आर्मीले भन्यो खुट्टासुट्टा भाँचिएला नि !

थुनिनेमा फोटो पत्रकार सुधिरा शाह मात्रै महिला थिइन् । २४ घण्टासम्म पुलिसले खाना, नास्ता त परै जाओस्; पिउने पानी समेत दिएन । तर, थुनिनेमध्येका एक ऋषि धमलाले साँझ मःमः र बिहान राम मिष्ठान्न भण्डारको खाजाको प्याकेट मगाएर सबैको भोक मेटाएका थिए । भलै रातभर सुनिएको ‘जोक्स’का प्रमुख पात्र उनै थिए । जति उडाए पनि दुवै छाकको पेट भर्ने जोहो चाहिं उनैले गरिदिएका थिए ।