काठमाडौं - सङ्गीतकार संघ नेपालको १३औं वार्षिक साधारणसभा तथा सातौं अधिवेशनबाट अष्ट लामाको नेतृत्वमा नयाँ कार्यसमिति चयन भएको छ ।
चेतन सापकोटाको नेतृत्वमा रहेको संघको कार्यसमितिलाई बिदाइ गर्दै सङ्गीतकार लामाको नेतृत्वमा एक जना महिला सदस्य बबिना भट्टराईसहित १२ सदस्यीय नयाँ कार्यसमिति सर्वसम्मत निर्वाचित भएको हो ।
यस्तै बरिष्ठ उपाध्यक्षमा राजेश थापा, प्रथम उपाध्यक्षमा शङ्कर थापा स्माइल, द्वितीय उपाध्यक्षमा राजेन्द्र बजगाईं, महासचिवमा दिनेश बान्तवा राई, सचिवमा दीपक शर्मा र कोषाध्यक्षमा योगेन्द्र उपाध्याय चयन भएका छन् ।
त्यसैगरी, सदस्यहरूमा बबिना भट्टराई, हरि सायमी, कमलीकान्त भेटवाल, तारावीर पाण्डे, अर्जुन कौशल रहेका छन् ।
सङ्गीतरत्न शम्भूजित बासकोटा संस्थापक अध्यक्ष रहेको यस संस्थामा लक्ष्मण शेष, शान्तिराम राई, पारस मुकारुङ समेत अध्यक्ष भइसकेका छन् ।
प्रकाशित:
Monday, June 02, 2025 | 22:25:00 सोमबार, २० जेठ, २०८२
2025-05-20-10-00-15.jpeg)
