काठमाडौं - रसुवागढी क्षेत्रमा सोमबार बिहान आएको भीषण बाढीले चीन–नेपाल सीमावर्ती क्षेत्रलाई अकल्पनीय क्षति पुर्याएको छ।
गोसाइँकुण्ड गाउँपालिका २ स्थित लिङ्दे खोलामा चीनतर्फबाट आएको बाढीका कारण नेपाल–चीनको मुख्य नाका रसुवागढीमा भौतिक संरचना ध्वस्त पारेको छ। स्थानीय समय अनुसार सोमबार बिहान करिब ३ बजे गोसाइकुण्ड गाउँपालिका–२ को रसुवागढी नजिकैको खोलामा ठूलो बाढी आएको थियो।
एक घण्टाभित्रै बिहान ४ बजेतिर बाढीले नेपाल र चीन जोड्ने मितेरी पुल पूर्ण रूपमा बगायो। सो पुल नै मुख्य नाका भएकाले रसुवाबाट चीनतर्फ हुने आवतजावत पूर्ण रूपमा ठप्प भएको छ।
यसै वीच प्रधानमन्त्री केपी शर्मा ओली सहितको टोली रसुवास्थित भोटेकोसी नदीमा आएको बाढीका कारण भएको धनजनको क्षतिको स्थलगत अवलोकन गरी फर्किएको छ ।
बाढीबाट भएको क्षति, उद्धार र राहतबारे प्रधानमन्त्री ओलीले स्थानीय प्रशासन, जनप्रतिनिधि र स्थानीयबासीसँग छलफल पनि गरेका थिए।
.jpg)
बाढीले खतरामा परेकामध्ये ११ जनाको सकुशल उद्धार गरिएको छ। तीमध्ये भन्सार कार्यालयनजिकै फसेका ९ जना र नुवाकोटको इन्द्रेणीघाटमा फसेका दुई जना रहेका छन्। नेपाली सेनाको हेलिकोप्टरले दुई जना वृद्ध दम्पतीको उद्धार इन्द्रेणीघाटबाट गरेको थियो।
बाढीले रसुवागढी जलविद्युत आयोजनाको ड्याम क्षतिग्रस्त बनेको छ। इलेक्ट्रिक भेइकल चार्जिङ स्टेशनहरू, रसुवागढी भन्सार यार्ड क्षतिग्रस्त बनाएको छ।
बाढीले नेपालतर्फ मात्र होइन, चीनको सीमा क्षेत्रमा पनि व्यापक क्षति पुर्याएको छ।
बाढीले चिनियाँ कम्पनी ‘त्रिशुली थ्री बी हब स्टेशन’का सबस्टेशन, ट्रान्सफर टावर, वाल संरचना पूर्ण रूपमा ध्वस्त बनाएको छ। चीन सिमानाको ल्हेन्दे खोलामा सोमबार राति आएको बाढीमा परेर अहिलेसम्म १८ जना बेपत्ता भएको खुलेको छ ।
अचानक आएको बाढीको चपेटामा परी बेपत्ता हुनेमा तीन प्रहरी र ६ चिनियाँ नागरिक समेत रहेका छन् ।
प्रकाशित:
Tuesday, July 08, 2025 | 20:15:00 मंगलबार, २४ असार, २०८२
2025-06-30-03-54-53.gif)
2025-05-20-10-00-15.jpeg)
