भक्तपुर - भक्तपुर नगरपालिका वडा नं ६ देकोचा भक्तपुरमा बिहीबार भएको शैक्षिक प्रदर्शनी १५ हजार भन्दा वढीले अवलोकन गरेका छन् ।
भक्तपुर नगरपालिकाद्धारा सञ्चालित ख्वप माविको २४ औं, ख्वप कलेजको २२ औं, शारदा क्याम्पस माविको ३३ औं र ख्वप कलेज अफ लको प्रथम वार्षिक उत्सवको अवसरमा भएको शैक्षिक प्रदर्शनीको काठमाडौं उपत्यका र उपत्यकाबाहिरको काभ्रेका विभिन्न स्कुलका विद्यार्थी, शिक्षक, अभिभावकलगायतले अवलोकन भ्रमण गरेको आयोजकले जनाएको छ ।
आयोजकका अनुसार प्रदर्शनीका लागि करिव दुई सय स्कुलहरुलाई निमन्त्रणा दिइएको थियो । दुईसय मध्ये झण्डै एक सय ६० वटा स्कुलहरुबाट अवलोकनका लागि विद्यार्थी आए, आयोजक कलेजका प्राचार्य प्रकाशकुमार श्रेष्ठेले भने, वढीजसो भक्तपुर, काभ्रे र काठमाडौंको पूर्वी क्षेत्रका स्कुलका विद्यार्थीहरु वढी आए ।
प्रदर्शनीमा दुई सय वढी स्टलहरु रहेका थिए । स्टलकर्ता विद्यार्थीहरुको संख्या मात्रै पनि एक हजार भन्दा वढी थिए ।
.jpg)
प्रकाशित:
Friday, February 23, 2024 | 21:10:00 शुक्रबार, ११ फाल्गुण, २०८०
2024-09-28-06-07-18.jpeg)
