नेपालगञ्ज - शिक्षा र सामाजिक सेवाको क्षेत्रमा विशेष योगदान पुर्याउनु भएका स्वर्गिय राजितराम पाठकको स्मृतिमा पुरस्कार स्थापना गरिएको छ ।
शिक्षा, सामाजिक सेवा र नागरिक समाजको क्षेत्रमा काम गर्ने एक जनालाई वार्षिक रुपमा नगदसहित पुुरस्कार प्रदान गरिने छ ।
बाँके शिक्षा क्याम्पस नेपालगञ्जमा आज बुधबार आयोजित बसन्त पञ्चमीमा सरस्वती पुजा तथा सांस्कृतिक कार्यक्रमको अवसरमा क्याम्पसका संचालक कृष्णा पाठकले पुरस्कारका लागि अक्षयकोष घोषणा गर्नुभएको हो ।
नागरिक अभियानको क्षेत्रमा सक्रिय रुपमा काम गर्दै आएको सूचना र मानव अधिकार अनुसन्धान केन्द्रलाई उक्त पुरस्कार स्थापनाका लागि रु. ५० हजार बराबरको अक्षयकोषमा रकम हस्तान्तरण गर्नुभएको केन्द्रका अध्यक्ष विश्वजित तिवारीले बताउनुभयो ।
स्वर्गिय पाठक बाँके शिक्षा क्पाम्पसको संस्थापक, महेन्द्र बहुमुखी क्याम्पस नेपालगन्जका क्याम्पस प्रमुख हुनुहुन्थ्यो । क्यान्सर रोगबाट पिडित पाठकको २०७८ साल साउन १७ गते निधन भएको थियो ।
बाँके क्याम्पसले उहाँको स्मृतिमा छात्रबृत्ति कोष समेत स्थापना गरेको छ । विद्यालयमा प्रारम्भिक कक्षादेखि १२ कक्षासम्म प्रत्येक कक्षाका दुई जना विद्यार्थीलाई वर्षभरि निशुल्क अध्ययन गराइने छ । त्यसका लागि गरीब, जेहेन्दार र लगनशिल विद्यार्थी मापदण्डका आधारमा छनौट गरिने स्वर्गिय पाठकका श्रीमती कृष्णा पाठकले बताउनुभयो ।
आज स्थापना गरिएको पुरस्कार स्वर्गिय पाठकको जन्मोत्सव तथा स्मृतिको अवसरमा प्रदान गरिने छ ।
प्रकाशित:
Wednesday, February 14, 2024 | 19:41:00 बुधबार, २ फाल्गुण, २०८०
2024-09-28-06-07-18.jpeg)
