• बुधबार, १४ मङ्सिर, २०७९
  • १२:३९:४०
  • नेपालीको अभिमत

मल्टिमिडिया

कठै दया लाग्छ तिम्रो सोचाईको स्तर देखेर घरी घरी

शीतल भण्डारी

मंगलबार, ११ असोज, २०७९

जस्ले जे गरेपनि हुने कस्तो जमाना आयो 
प्रमाणित हुनु पर्दैन आरोप
भनेकै भरमा कसैको इज्जत लिलाम भयो 

खुलेआम हिड्छ एक अपराधी यहाँ
मानौंं स्वयँ कानुन उ नै हो झैंं गरि
बरु निर्दोष माथि बर्सिन्छन् बिषाक्त नजरका बाण
मात्र एक अपराधी सरी 

कति गर्छौ दुरुपयोग पद अनि चिनजानको 
मानौंं तिमी एक अजम्बरी झैंं गरी 
कठै दया लाग्छ तिम्रो सोचाइँको 
स्तर देखेर घरिघरि

बेकसुरलाई दोषी साबित गरि 
कसरी सुकुनले निदाउन सक्छौ ?
कति लिन्छौ चाकडी र चाप्लुसीको तालिम
भन्दा हुन ठूला भनाउँदालाई रिझाउन सक्छौ

सत्य लुकाई अरुलाई अप्ठ्यारो पार्दा 
आत्मग्लानीले तिमीलाई पोल्दैन ?
सोच्दो हौ लाटो र बहिरोको सामु अपराध भएको हो 
यस्ले केही सुन्दैन, बोल्दैन 

सुनेकै छौ होला भित्ताको पनि कान हुन्छ
लाटो र बहिरो नै किन नहोस उस्को पनि सम्मान हुन्छ 
बन्द गर सोझा माथिको यो शोषणको राजनीति
कति बिर्सन्छौ र मसानघाटसम्म न हो 
गन्तव्य जीवनको अन्तिम मिति

 


विद्यालयदेखि नै कविता, गीत, गजल लेखन तथा नृत्य र गायनमा रुचि राख्ने शीतलको बाल्यकाल गुल्मीको ग्वादी वरपर बित्यो । त्यसैले, उहाँका रचनामा ग्रामीण जनजीवनको छनक पाइन्छ, प्राकृतिक सौन्दर्यको बखान भेटिन्छ । जीवनका भोगाइ, अनुभूति, समाजका तस्वीर र पुरुष सोचले निर्माण गरेका सामाजिक परिदृश्य उहाँका रचनामा प्रशस्त भेटिन्छन् । अखबारी लेखन र वाचनमा समेत रुचि राख्नुहुने शीतलका गीत, गजल र कविताहरू विभिन्न पत्रपत्रिकामा प्रकाशित छन् । निजामती सेवामा कार्यरत शीतल कार्यालय र घरको जिम्मेवारीबाट बचेको समय साहित्य लेखनमा खर्चिन रुचाउनुहुन्छ । शीतलका रचनालाई पाठक समक्ष  पुर्‍याउने नेपालमतको स्तम्भ शीतल कुञ्ज मा उहाँको मधुर स्वरका रचना वाचन सुन्न र पढ्न सकिन्छ । - सम्पादक

शीतल भण्डारी

लेखकका थप सामग्रीका लागि यहाँ क्लिक गर्नुहोस्

मंगलबार, ११ असोज, २०७९

नेपालमतका कुनै पनि सामग्रीबारे तपाईंको गुनासो, सुझाव र थप जानकारी अथवा नयाँ कुनै सूचना भए हामीलाई info.nepalmat@gmail.com मा इमेल पठाउनु होला।

थप समाचार

© 2022 कृष्णसार मल्टिमिडिया. All Rights Reserved