याद कति आएको हो आमा सफा नभएको कुरा
नआएको त चपाएर खुवाएको भुटेको मकै न हो
याद कति आएको हो आमा सफा नभएको कुरा
नआएको त चपाएर खुवाएको भुटेको मकै न हो
तिमीले आमा होइनौ भन्दैमा नहुने कसरी हुँला र ?
तिमीलाई जन्माउदाको घाउमा खाटा बसेको मात्र न हो
गाली गरेको, भनेको सबै चिज नकिन्दिएको सबै सम्झना छ उस्लाई
नसम्झेको त हातमै थापेर फालेको उस्को दिशा मात्र न हो
सधै बाबाले नगरेको कति जानेको हो राख्न हिसाबकिताब
नजानेको त आफुले गर्ने कर्तव्य मात्र न हो
मोबाइलको स्क्रीनमा कति तिव्र गतिमा दौडिएका हुन औलाहरु
नदैडिएका त आमालाई सघाउन हात मात्र न हुन
याद कति आएको हो आमा सफा नभएको कुरा
नआएको त चपाएर खुवाएको भुटेको मकै न हो
विद्यालयदेखि नै कविता, गीत, गजल लेखन तथा नृत्य र गायनमा रुचि राख्ने शीतलको बाल्यकाल गुल्मीको ग्वादी वरपर बित्यो । त्यसैले, उहाँका रचनामा ग्रामीण जनजीवनको छनक पाइन्छ, प्राकृतिक सौन्दर्यको बखान भेटिन्छ । जीवनका भोगाइ, अनुभूति, समाजका तस्वीर र पुरुष सोचले निर्माण गरेका सामाजिक परिदृश्य उहाँका रचनामा प्रशस्त भेटिन्छन् । अखबारी लेखन र वाचनमा समेत रुचि राख्नुहुने शीतलका गीत, गजल र कविताहरू विभिन्न पत्रपत्रिकामा प्रकाशित छन् । निजामती सेवामा कार्यरत शीतल कार्यालय र घरको जिम्मेवारीबाट बचेको समय साहित्य लेखनमा खर्चिन रुचाउनुहुन्छ । शीतलका रचनालाई पाठक समक्ष पुर्याउने नेपालमतको स्तम्भ शीतल कुञ्ज मा उहाँको मधुर स्वरका रचना वाचन सुन्न र पढ्न सकिन्छ । - सम्पादक
प्रकाशित:
Friday, September 09, 2022 | 15:56:00 शुक्रबार, २४ भदौ, २०७९
