झापा- झापाका कुखुरापालक तथा अण्डा उत्पादक किसानले बिर्तामोडमा जिउँदो कुखुरा र अण्डा फ्याकेर विरोध प्रदर्शन गरेका छन् ।
कुखुरा सडकमा फ्याल्दा केही कुखुरा मरेका छन् । सडकमा कुखुरा र अण्डा फ्याक्दा केही समय सडक अस्तव्यस्त बनेको थियो ।
बैङ्कको ब्याज समेत तिर्न नसक्ने अवस्था आएको र बारम्बार सम्बन्धित निकायको ध्यानाकर्षण गराउँदा समेत भारतबाट अवैध रूपमा कुखुरा तथा अण्डा आउने क्रम नरोकिएको किसानको भनाइ छ ।
सहभागी किसानले बिचौलियाका कारण आफूहरूको उत्पादन बजारमा जान नसक्ने अवस्था आएको र जाँदा पनि उत्पादन मूल्य समेत नपाएको गुनासो गरेका छन् । प्रतिगोटा ७ देखि ८ रुपियाँमा आफूहरूसँग किनेको अण्डा व्यापारीले १५ रुपियाँसम्म लिएर बिक्री गरेको बताइन्छ ।
प्रकाशित:
Tuesday, February 07, 2023 | 17:33:00 मंगलबार, २४ माघ, २०७९
