काठमाडौँ – विराटनगर महानगरपालिकाको नगर कार्यपालिका सदस्यको निर्वाचनमा नेकपा एमाले–स्वतन्त्र गठबन्धनबाट आठै जना सदस्य निर्वाचित भए । शनिबार भएको मतदानमा एमाले–स्वतन्त्र गठबन्धनबाट आठै जना विजयी भएका हुन् । मुख्य निर्वाचन अधिकृतको कार्यालयका अनुसार नगर कार्यपालिकाको महिला सदस्यमा नेकपा एमालेकी कमला श्रेष्ठले ५४, खुश्वु विश्वकर्माले ५२, तारा कुमारी रायले ५३, सम्तली देवी विश्वासले ५५ र सरिता घिमिरे ९नेपाल० ले ५३ मत प्राप्त गरी निर्वाचित भएका छन् ।
त्यसैगरी दलित तथा अल्पसंख्यक तर्फ भने स्वतन्त्रका ओमप्रकाश कुमार साहले ५५, सन्जीवकुमार साहले ५२ र एमालेका दिपक कुमार कर्णले ५३ मत प्राप्त गरी विजयी भएका हुन् । विराटनगर महानगरपालिकामा कुल ४३ सिट मात्रै रहेको एमालेले सत्ता गठबन्धनका उम्मेदवारलाई पराजित गर्दै कार्यपालिकामा भने बहुमत कायम गरेको छ ।
विराटनगर महानगरपालिकामा नेपाली कांग्रेसले मेयर र ६ वडाध्यक्षसहित ४० जना नगर सभा सदस्य जितेको छ ।
जनता समाजवादीले दुई वडाध्यक्षसहित १० जना, स्वतन्त्रले एक वडाध्यक्षसहित ३ र राप्रपाका १ वडाध्यक्ष निर्वाचित भएका थिए ।
प्रकाशित:
Saturday, June 04, 2022 | 16:47:00 शनिबार, २१ जेठ, २०७९
2024-09-28-06-07-18.jpeg)
