काठमाडौँ - उदयपुरको त्रियुगा नगरपालिकाको मेयरमा नेपाली काँग्रेसले विजयी भएको छ । काँग्रेसका बसन्त बस्नेत मेयरमा निर्वाचित हुनुभएको हो । बस्नेतले १३ हजार ९ सय ५९ मत ल्याउँदा निकटतम् प्रतिद्वन्द्वी एमालेका भागवत राउतले ११ हजार ८ सय ७३ मत मात्र ल्याउनभयो ।
यस्तै नेकपा एकीकृत समाजवादीका उमेदवार निवर्तमान मेयर बलदेव चौधरीले ९ हजार १ सय ४७ मत प्राप्त गर्नुभयो ।
उपमेयरमा एमालेकी महेश्वरी राई विजयी हुनुभएको छ । उहाँले १३ हजार ७ सय ३ मत प्राप्त गर्नुभयो । त्रियुगामा काँग्रेसले ९, एमालेले ४ र माओवादीले ३ वडाध्यक्ष जितेको छ ।
२०५३ सालमा नगरपालिका बनेको त्रियुगामा काँग्रेस पहिलोपटक निर्वाचित भएको हो । यसअघि त्रियुगामा नेकपा एमालेले जित्दै आएको थियो ।
प्रकाशित:
Monday, May 30, 2022 | 16:25:00 सोमबार, १६ जेठ, २०७९
2024-09-28-06-07-18.jpeg)
