बारा- हावाहुरीबाट पाँच करोड रुपैयाँ बराबरको केरा खेती नष्ट भएको छ ।
बाराको निजगढ नगरपालिकामा पानीसँगै आएको हावाहुरीले लगाइएको केरा बोटैदेखि ढल्दा पाँच करोडको क्षति भएको हो ।
निजगढमा करिब १२ सय बिघामा केरा खेती गरिएकोमा करिब १२० बिघामा लगाइएको केराको बोट ढलेर पूर्णरुपमा क्षति भएको छ ।
भर्खर पसाएको र पाक्ने बेला भएको केरा सबैभन्दा बढी ढालेको किसानहरूले बताएका छन ।
केरा पकेट क्षेत्रको रुपमा रहेको निजगढ नगरपालिकामा एक बिघा जमिनमा किसानले एक सिजनमा चारदेखि ६ लाखसम्म आम्दानी गर्दै आएका थिए ।
बेच्ने बेला आएको हुरीले किसानको केरा खेतीमा क्षति गरेको र किसानहरू समस्यमा परेको निजगढ नगरपालिका–९ का केरा खेती किसानहरु बताउछन् ।
प्रकाशित:
Wednesday, May 04, 2022 | 14:45:00 बुधबार, २१ बैशाख, २०७९
