नेपालगञ्ज - बाँके क्षेत्र नम्बर ३(१) बाट निर्वाचित प्रदेशसभा सदस्य रत्न खत्री र आम जनताबीच प्रत्यक्ष अन्तरक्रिया हुने गरि एमालेले जनतासँग प्रदेशसभा सदस्य कार्यक्रम सुरुवात गरेको छ ।
बाँकेको बैजनाथ गाउँपालिकाको चिसापानीबाट यो कार्यक्रमको सुरुवात गरिएको हो । कार्यक्रममा प्रदेशसभा सदस्य खत्रीले निर्वाचनको समयमा जनताबीच गरिएका प्रतिवद्धता कार्यान्वयन भईसकेको दावी गर्नु भयो ।
कार्यक्रम अन्तर्गत एकदिनमा एउटा वडाका विभिन्न वस्तीमा जनता र प्रदेशसभा सदस्यबीच दोहोरो संवाद र अन्तरक्रिया हुने उहाँले जानकारी दिनु भयो ।
खत्रीले निर्वाचन सम्पन्न भएको एकबर्षको समीक्षा गर्न जनताबीच पुगेको बताउनुभयो । बैजनाथ पछि खजुराका वडा नम्बर ५, ६, ७ र ८ मा पनि यो कार्यक्रम सञ्चालन हुने भएको छ ।
पार्टी कार्यकर्ता र आम जनतासँग निर्वाचनको समयमा गरिएको प्रतिवद्धता कार्यान्वयन भए नभएको बिषयमा आम जनतासँग साक्षात्कारका लागि कार्यक्रम सञ्चालन गरिएको उहाँको भनाई छ ।
प्रकाशित:
Monday, November 27, 2023 | 13:57:00 सोमबार, ११ मङ्सिर, २०८०
