काठमाडौं - टोखा नगरपालिकाको वडा नम्बर ६ मा नेपाल महिला संघले सर्वसम्मत रुपमा नयाँ नेतृत्व छानेको छ ।
नेपाली काँग्रेसको भातृ संस्था नेपाल महिला संघको चौथो वडा अधिवेशनबाट प्रमिला न्यौपानेको अध्यक्षतामा वडा कार्य समिति चयन भएको हो ।
टोखामा रहेको नेपाल महिला सँघको केन्द्रीय कार्यालय परिसरमा भएको अधिवेशनले उपाध्यक्षमा अनिता बस्याल र कृष्णा अर्याल तथा सचिवमा कल्पना आचार्य र बसुधा भण्डारीलाई छनोट गरेको छ ।
सचिव कल्पना आचार्यका अनुसार अधिवेशनले बाँकी पदाधिकारी समेत १५ जनाको कार्य समिति चयन गरेको हो ।
अधिवेशनले लामो समयदेखि संघमा क्रियाशील रहेका ८ जनालाई संघको केन्द्रीय प्रतिनिधिका रुपमा चयन गरेको निवर्तमान अध्यक्ष शान्ता पौडेलले बताउनु भयो । पौडेल टोखाको ६ नम्बर वडाका अध्यक्ष समेत हुनुहुन्छ ।
संघको केन्द्रीय महाधिवेशन आगामी मंसीरमा हुँदैछ ।
प्रकाशित:
Friday, May 23, 2025 | 22:07:00 शुक्रबार, १० जेठ, २०८२
2025-05-20-10-00-15.jpeg)
