मुगु–मुगुमा बस दुर्घटना परी ज्यान गुमाउनेको संख्या २८ पुगेको छ । प्रहरीका अनुसार २४ जनाको घटनास्थलमै र ४ जनाको उद्धार गरी उपचारको क्रममा लैजानेक्रममा मृत्यु भएको हो ।
रारा मध्यवर्ती क्षेत्रका अध्यक्ष बलराम साहानीले मृत्यु हुनेमा बसका चालक दलबहादुर रावल, सन्तोष बितालु, नविन बुढालगायत भएको जानकारी दिनु हुँदै मृत्यु हुनेमा आठ–दश वर्षको एक बालक पनि भएको बताउनु भएको छ ।
मृत्यु हुने अधिकांश काठमाडौं, नेपालगञ्ज र सुर्खेतमा अध्ययनरत विद्यार्थी छन् । दशैँ मनाउँन घर आउने क्रममा अधिकांश विद्यार्थीले ज्यान गुमाएका बताइएको छ । उकालो मोडमा बसको अगाडिको टायर पञ्चर भएर बस दुर्घटना भएको बताइएको छ ।
घाइते भएका १४ जनालाई उपचारका लागि नेपालगञ्ज लगिएको छ । सुर्खेतबाट मुगुको सदरमुकाम गमगढीतर्फ गएको भे १ ख ३१६७ नम्बरको बस छायाँनाथ रारा नगरपालिका–७, पिना झ्यारीखोलामा दुर्घटनामा परेको थियो ।
बसमा ३९ जना यात्रु रहेका थिए । मृतकको शव जिल्ला अस्पताल मुगुमा लगिएको छ । शवको सनाखत गरेपछि पोस्टमार्टम गरिने प्रहरीले जनाएको छ ।
र, याे पनि
मुगु दुर्घटना अपडेटः १४ घाइतेलाई हेलिकप्टर र विमानबाट उपचारको लागि नेपालगञ्ज लगियो
मुगुमा बस दुर्घटनामा परी २३ जनाको मृत्यु
प्रकाशित:
Tuesday, October 12, 2021 | 17:16:00 मंगलबार, २६ असोज, २०७८
2025-06-30-03-54-53.gif)
