मुगु–मुगुमा बस दुर्घटना परी २३ जनाको मृत्यु भएको छ । मंगलबार दिउँसो नेपालगञ्जबाट मुगुको सदरमुकाम गमगढी गइरहेको बस दिउँसो २ बजे छायाँनाथ रारा नगरपालिका–७ पिनाटपने खोलामा दुर्घटना हुँदा २३ जनाको मृत्यु भएको प्रहरीको भनाइ छ ।
भे १ ख ३१६७ नम्बरको बस सडकबाट झन्डै ३ सय मिटर तल खसेको कर्णाली प्रदेश प्रहरी कार्यालयका प्रवक्ता एवं प्रहरी उपरिक्षक माधव प्रसाद श्रेष्ठले बताउनु भएको छ । १० जना भन्दा धेरै घाइते छन् । ३९ जना यात्रु रहेको बस दिउँसो २ बजेतिर दुर्घटनामा परेको हो । ‘ठूलो दुर्घटना भयो । बस टुक्राटुक्रा भयो । २३ जनाको मृत्यु भएकाे छ ।
बस दुर्घटना बारेको पूर्ण विवरण नआइसकेको र घाइतेहरुको उद्धारका लागि नेपाली सेनाको हेलिकोप्टर, नेपाल प्रहरी, सशस्त्र प्रहरी खटिएको खटिएका छन् । अहिले घाइतेहरुको उद्दार गरी मुगुको जिल्ला अस्पताल तथा सुर्खेतको अस्पतालमा ल्याउने काम भइरहेको छ ।
प्रकाशित:
Tuesday, October 12, 2021 | 15:55:00 मंगलबार, २६ असोज, २०७८
2025-06-30-03-54-53.gif)
