एजेन्सी– चिकेन बर्गरभित्र मानिसको औंला भेटिए पछि रेष्टुरेन्ट अस्थायी रुपमा बन्द गरीएको छ । बोलिभियाकाे एक फास्ट फुड रेष्टुरेन्टमा बर्गर खान गएकी त्यहि बस्ने इस्टेफनी बेनिटेजले बर्गरमा मानिसको औंला भेट्नु भएको थियो ।
बर्गरको पहिलो बाइट लिँदा इस्टेफनीलाइ केही कडा चिज महसुस भएपछि हेर्दा चिकेन बर्गरभित्र मानिसको औंला भेटिएको न्यूयोर्क पोस्टले जनाएको छ ।
यो घटनाबारे इस्टेफनीले फेसबुकमा जानकारी दिदै उक्त घटना गत आइतबार भएको उल्लेख गर्नुभएको छ ।
यस बारे उहाँले रेष्टुरेन्टका कर्मचारीलाई जानकारी दिँदा बर्गर पहिले नै तयार भएर स्टोरमा पुग्ने र यसअघि यस्तो कहिल्यै नभएको बताउनुभएको छ । साथै रेष्टुरेन्टको तर्फबाट बर्गरको पूरा पैसा फिर्ता दिइने पनि बताइएको छ ।
पोस्ट सेयर गरिएपछि बर्गर कम्पनीका प्रवक्ता दाहमेर–एस्क्वेले यसलाई ‘दुर्भाग्यपूर्ण घटना’ बताउँदै मासु काट्ने बेला उनका एक कर्मचारीको चोरी औंला काटिएको जानकारी दिनुभयो ।
प्रकाशित:
Friday, September 17, 2021 | 18:00:00 शुक्रबार, १ असोज, २०७८
