नेपालगन्जमा जारी प्रादेशिक महोत्सव २०८१ को चौथो दिन आइतबार नायक पल शाहको क्रेजमा दर्शकको ओइरो लागेको छ ।
कालो पहिरनमा कालो चस्मा लगाएर टिमसहित स्टेजमा उक्लेका नायक पल शाहले हजारौं दर्शकमाझ आधा दर्जन गीतमा नृत्य प्रस्तुत गरेका थिए । मायालाई पानको पात..., म त ढले ढले...लगायतका चर्चित गीतमा नृत्य गर्दा युवायुवति निकै झुमेर नाचेका थिए ।
नायक शाहले क्रेजी दर्शकलाई आफ्नो आगामी १४ फागुनमा रिलिज हुन लागेको चलचित्र मायवीको प्रचारमा दर्शकलाई टिसर्ट उपहार दिएका थिए । क्रेजी दर्शकले मञ्चमै उक्लेर सम्मान गरेका थिए ।
आइतबार नायक शाह अघि चर्चित गायिका शान्तिश्रीको प्रस्तुती रहेको थियो । गायिका शान्तिश्रीले आफ्ना लोकप्रिय गीत रुकुमैकोट..., बन्दीपुरैमा..., अरेली काँडैले लगायतका आधा दर्जन बढी गीत गाएकी थिइन् । चिसो नेपालगन्जमा पारिलो घाम लागिरहेकोे बेला हरियो सारीमा ठाटिएकी शान्तिश्रीको गीतमा युवायुवती झुमेका थिए । अर्की गायिका दुःखसँगै सुख बाँडी...,दुई मुटु...,मरे भनें मरेको पल...,अलि अलि हँसाउँछु...लगायतका गीत प्रस्तुत गरेकी थिइन् ।
साँस्कृतिक व्यवस्थापन समितिका संयोजक मख्खनबहादुर धामीका अनुसार महोत्सवको पाँचौ दिन सोमबार चर्चित गायक दुर्गेश थापा, हास्यव्यङ्ग्य कलाकार तथा अभिनेता दीपकराज गिरी, दीपाश्री निरौलाको पनि प्रस्तुती हुनेछ । बाल गायक सुप्रिम मल्ल, लोक दोहोरी गायिका इब्सल सन्ज्याल र लोक दोहोरी गायक अर्जुन सापकोेटा आउने कार्यक्रम रहेको छ ।
महोत्सवको मुख्य आयोजक नेपालगन्ज उद्योग वाणिज्य संघ, बाँके, आयोजक नेपाल उद्योग वाणिज्य महासंघ काठमाडौं, सह आयोजक नेपाल उद्योग वाणिज्य महासंघ लुम्बिनी प्रदेश र सहकार्य क्यान महासंघ बाँके शाखासँग भएको छ ।
प्रकाशित:
Monday, January 27, 2025 | 10:46:00 सोमबार, १४ माघ, २०८१
2025-01-27-10-52-05.jpeg)
