कोहलपुर, बाँके - बाँकेको कोहलपुर नगरपालिका २ तेह्रविगाहमा सञ्चालन भएको ‘मुख्यमन्त्री कोहलपुर गोल्डकप प्रतियोगिता २०८०’ को उपाधि त्रिभुवन आर्मीले हात पारेको छ ।
बुधबार भएको फाइनल खेलमा त्रिभुवन आर्मीले चर्च व्वाईजलाई २-० गोेल अन्तरमा हराउँदै उपाधि हात पारेको हो । त्रिभुवन आर्मीले प्रथम पुरस्कार ८ लाख नगद र चर्च व्वाईजले ४ लाख नगद रुपैयाँ पाएका छन् ।
त्रिभुवन आर्मीका खेलाडी मानबहादुर आले मगरले म्यान अफ द म्याच उपाधि पाएका छन् । प्रतियोगितामा उत्कृष्ट खेलाडीका रुपमा आर्मीका टंक बस्नेतलाई नगद ५० हजार रुपैयाँ सहित पुरस्कृत गरिएको छ ।
यसैवीच कोहलपुर रेसिङ्ग सहारा क्लबका कप्तान हरि कठायतले फुटबल खेलबाट सन्यास लिएका छन् । आयोजकले उनलाई टिभिएसको एक सय २५ सिसिको स्कुटर प्रदान गरेर खेल जीवनबाट विदाइ गरेको छ ।
समापन कार्यक्रमका प्रमुख अतिथि तथा कोहलपुर नगरपालिकाका प्रमुख पूर्णप्रसाद आचार्यले कोहलपुर गोल्डकपलाई संस्थागत बनाउन केन्द्रदेखि स्थानिय सरकार लाग्ने प्रतिबद्धता व्यक्त गरेको खेल संयोजक रामबहादुर मल्लले जनाएका छन् ।
प्रकाशित:
Wednesday, November 08, 2023 | 21:27:00 बुधबार, २२ कार्तिक, २०८०
2023-12-11-10-45-55.jpeg)
