काठमाडौं - काठमाडौं महानगरपालिकाका मेयर वालेन्द्र साह (बालेन)ले फेरि फायर खोलेका छन् ।
विवादास्पद अभिव्यक्तिबाट चर्चामा आइरहने बालेनले केहि साताको मौनता पछि आज सामाजिक सञ्जाल मार्फत् नेताहरुले देश नै बेच्न खोजिसकेको आरोप लगाएका छन् । बुधबार बेलुकी उनले नेताहरुले पूरै देश नै बेचे पनि काठमाडौँ भने एक्लो नेपाल भएर उभिने लेखेका छन् ।
उनले लेखेका छन्, ‘नेताज्यूहरुले त देशनै बेच्न खोजिसक्नु भो, तर काठमाडौँ महानगर बिक्रीमा छैन । तपाईहरुले पूरै देश नै बेच्नुभो भने पनि काठमाडौँ एक्लै भए पनि नेपाल भनेर उभिने छ ।’
मेयर साहले १७ वटा नगरपालिकाले कुनै निजी कम्पनीबाट पैसा खाएर बसाएको बैठक बहिस्कार गरेको भन्दै कसैको अपमान नगरेको प्रष्टिकरण दिएका छन् । मेयर्स फोरमको बैठक बहिष्कार गरेको भन्दै बालेनको आलोचना भैरहेका बेला यस्तो अभिव्यक्ति आएको हो ।
प्रकाशित:
Wednesday, November 01, 2023 | 23:06:00 बुधबार, १५ कार्तिक, २०८०
2023-12-11-10-45-55.jpeg)
