नेपालगञ्ज - कार्तिक २४ गते नेपालगञ्जमा ‘रक अन फेस्टिवल सेलिव्रेसन वीथ सुनिल सिंह ठकुरी’ कन्सर्ट हुने भएको छ ।
तिहारको मेसोमा हुन लागेको कन्सर्टमा स्थानीय ‘आवाज द ब्यान्ड’ को पनि प्रस्तुति रहने भएको छ । १० वर्ष अघि स्थापना भएको यो ब्यान्डमा प्रदिप जंग शाही, रिदम खड्गी, विशेष थापा लगायतले दर्शकलाई मनोरञ्जन गराउनेछन् ।
नेपालका चर्चित पप गायक सुनिल सिंह ठकुरीको पहिलो पटक आफनो गृह जिल्ला बाँकेमा ओपन कन्सर्ट हुन लागेको हो । रामलीला मैदानमा हुन लागेको ओपन कन्र्सटमा अन्य स्थानीय कलाकारको पनि प्रस्तुति रहने कन्सर्ट निर्देशक कमल खत्रीले जानकारी दिनुभएको छ ।
स्थानीय म्युजिक ब्यान्डको लाईभ प्रस्तुती, एकल तथा सामुहिक नृत्य लगायतका प्रस्तुती पनि हुने भएका छन् । उक्त दिन रामलीलाला मैदानमा फुड स्टल समेत राखिनेछ ।
कालपृष्ठ दैनिकले आयोजना गर्न लागेको कन्सर्टमा स्थानीय कलाकारलाई प्रोत्साहन गर्ने उद्देश्य राखिएको खत्रीको भनाई छ । गायक तथा संगीतकार समेत रहेका ठकुरीका दुई दर्जन भन्दा बढी गीत सार्वजनिक भएका छन् । हाल ठकुरीको बसाई जापानमा छ ।
ठकुरीले गाएका गीत मध्ये ‘घटना घट्यो’, ‘जनता जान्न चाहन्छन्’, ‘१४ अञ्चल’, ‘म मान्छे बिन्दास’, ‘बेबी सुन न’ चर्चित बनेका थिए । ठकुरीले जापानमा गाएको ‘नागोया नागोया आउन बेबी नागोया’ चर्चित बनेको थियो । उक्त गीत मार्फत जापानको धार्मिक, सांस्कृतिक र सामाजिक पक्षको प्रचार प्रसारमा योगदान गरेको भन्दैं जापानी सरकार र जापानी सरकारी टेलिभिजन एनएचकेले ठकुरीलाई नगद सहित पुरस्कृत गरेको थियो ।
प्रकाशित:
Wednesday, November 01, 2023 | 22:24:00 बुधबार, १५ कार्तिक, २०८०
2025-06-30-03-54-53.gif)
