ताजा

  • बिहीबार, ३ श्रावण, २०८१
  • ०३:५१:२९
  • नेपालीको अभिमत

खेल

बाँकेमा ‘मुख्यमन्त्री कोहलपुर गोल्डकप खेलकुद प्रतियोगिता—२०८०’ सुरु हुँदै 

नेपालमत

आइतबार, १२ कार्तिक, २०८०

नेपालगञ्ज - लुम्बिनी प्रदेशको बाँकेमा ‘मुख्यमन्त्री कोहलपुर गोल्डकप खेलकुद प्रतियोगिता—२०८०’ यहि कार्तिक १५ गतेदेखि सुरु हुने भएको छ । 

कोहलपुर नगरपालिका २ स्थित तेह्र विगाह मैदानमा ‘स्वास्थ्यका लागि खेलकुद राष्ट्रका लागि खेलकुद’ भन्ने मुख्य नारा सहित कार्तिक २२ गतेसम्म प्रतियोगिता सञ्चालन हुने कोहलपुर रेसिङ्ग साहारा क्लबका अध्यक्ष चक्र क्षेत्रीले जानकारी दिनुभयो । अध्यक्ष क्षेत्रीका अनुसार प्रतियोगितामा अफ्रिकन देश क्यामरुनको एभिनियर एफ.सि.सहित नेपालका ए डिभिजनका ७ क्लबहरुको सहभागिता रहनेछ । 

खेलमा चर्च व्वाईज यूनाईटेड काठमाण्डौं, गोर्खा व्वाईज स्पोर्टस क्लब बुटवल, सुदुरपश्चिम ११, स्पोर्ट्स क्लब धनगढी, त्रिभुवन आर्मी फुटबल क्लब काठमाण्डौं, कोहलपुर रेसिङ्ग साहारा क्लब कोहलपुर, वि.एफ.सी. चितवन क्लब चितवन, एभिनियर एफ.सि. क्यामरुन र दुधौली स्पोर्ट्स क्लब सिन्धुली गरी आठ टिम सहभागि हुने छन् । 

प्रतियोगितामा प्रथम हुनेलाई ८ लाख रुपियाँ र दोस्रो हुनेलाई ४ लाख रुपियाँ नगद सहित ट्रफि दिइने क्लबका अध्यक्ष क्षेत्रीले बताउनुभएको छ । 

‘मुख्यमन्त्री कोहलपुर गोल्डकप खेलकुद प्रतियोगिता—२०८०’ सञ्चालन तथा व्यवस्थापनका लागि करिब ८० लाख रुपियाँ खर्च हुने अनुमान गरिएको क्लबका कोषाअध्यक्ष काशिराम अधिकारीले बताउनुभयो ।
 

नेपालमत

लेखकका थप सामग्रीका लागि यहाँ क्लिक गर्नुहोस्

आइतबार, १२ कार्तिक, २०८०

नेपालमतका कुनै पनि सामग्रीबारे तपाईंको गुनासो, सुझाव र थप जानकारी अथवा नयाँ कुनै सूचना भए हामीलाई info.nepalmat@gmail.com मा इमेल पठाउनु होला।

थप समाचार

© 2024 कृष्णसार मल्टिमिडिया. All Rights Reserved