छोरी भनी गर्भमै तुहिन नपरोस्, अनि मनाउँला नारी दिवस !
बलात्कृत भइ झाडिमा कुहिन नपरोस्, अनि मनाउँला नारी दिवस !
छाउपडी भइ गोठमा सड्न नपरोस्, अनि मनाउँला नारी दिवस !
दाइजोको निउँमा जिउँदै जल्न नपरोस्,अनि मनाउँला नारी दिवस !
निर्मला जसरी सानै उमेरमा ढल्न नपरोस् ,अनि मनाउँला नारी दिवस !
न्याय नपाएर दुनियाँसँग लड्न नपरोस्,अनि मनाउँला नारी दिवस !
बोक्सीको आरोपमा तड्पी तड्पी मर्न नपरोस् ,अनि मनाउँला नारी दिवस !
जिन्दगी जिउन पुरुषको भर पर्न नपरोस्,अनि मनाउँला नारी दिवस !
महिनावारीमा मैले छोएको अछुतो नहोस्,अनि मनाउँला नारी दिवस !
छोरी भएर जन्मेकोमा पछुतो नहोस् ,अनि मनाउँला नारी दिवस !
यस्तो दिन आवोस ,हरेक नारीलाई गर्व होस नारी हुनुमा, अनि मनाउँला नारी दिवस !
प्रकाशित:
Wednesday, March 08, 2023 | 08:31:00 बुधबार, २४ फाल्गुण, २०७९
2025-06-30-03-54-53.gif)
