पर्वत- पर्वतको आर्थिक तथा पर्यटकीय क्षेत्रको विकासका लागि गत माघ ११ गते देखि सदरमुकाम कुश्माबजारमा सातौँ महोत्सव जारी रहेको छ ।
महोत्सवमा विश्वकै अग्लो बञ्जीजम्प, जिपफ्लाइङ, कालीगण्डकी नदीमा र्याफ्टिङ, नेपालकै अग्ला र लामा झोलुङ्गे पुल, कुश्मा बलेवा यान्त्रिक पुल, गुप्तेश्वर र अलपेश्वर गुफाको अवलोकन, अल्लोको कपडा, लोक्ताको नेपाली कागज, सुन्तलाको जुस, मह, जडीबुटी, अदुवा र लप्सीका परिकारको प्रदर्शनी मुख्य आकर्षण छन्।
महोत्सवमा गण्डकी प्रदेश पालिकास्तरीय भलिबलसमेत आयोजना गरिएको छ।
विद्यालयस्तरीय लोकनृत्य, रत्यौली, भजन, छेलो, खुला दौड, तीर हान्ने प्रतियोगिता राष्ट्रिय खानाका परिकार, स्थानीय उत्पादनहरूको बिक्री तथा औद्योगिक प्रदर्शनी, शैक्षिक, कृषि र फोटो प्रदर्शनीसमेत गरिने भएको छ। त्यस्तै राष्ट्रिय तथा स्थानीय कलाकारको प्रस्तुति रहेको छ ।
महोत्सवमा बिहीबार गायिका रितु कडेलको बेजोड प्रस्तुती रहेको थियो । उहाँले झुठो माया जाल ,लुकी छुपी माया लाउन लाउन लाग्यो रहर काँ हो तिम्रो मावल जस्ता लोकप्रीय गीतहरु गाउनु भएको थियो ।
महोत्सव माघ २१ गतेसम्म सञ्चालन हुने छ ।
प्रकाशित:
Friday, February 03, 2023 | 10:18:00 शुक्रबार, २० माघ, २०७९
2025-01-27-10-52-05.jpeg)
