काठमाडौं- नेपाली चलचित्र ‘छड्के २’को एक गीतमा (यापर भिटेनले स्वर दिने भएका छन् ।
गीतमा शब्द तथा सङ्गीत पनि भिटेन आफैको रहेको छ । कथा सुहाउँदो भएकै कारण आफूहरूले भिटेनको गीत चलचित्रमा समावेश गरेको निर्माता प्रशान्त गिरीले बताए ।
अनमोल केसीको मुख्य भूमिका रहेको चलचित्र ग्याङस्टार जनरामा निर्माण भएको छ । चलचित्रमा अनमोलको भिन्न लुक्स देख्न सकिन्छ । निगम श्रेष्ठको लेखन तथा निर्देशनमा निर्माण भएको चलचित्रमा रोविन तामाङ, कमलमणि नेपाल, सिर्जना सुब्बा, रेशा आलेमगर मुख्य भूमिकामा रहेका छन् ।
चलचित्रको निर्मातामा प्रशान्त गिरी र देवकुमार श्रेष्ठ रहनुभएको छ । कार्यकारी निर्मातामा निर्भाना फिल्म स्कुल र लक्ष्मण काफ्ले रहेका छन् ।
फिल्म फागुन १९ बाट प्रदर्शनमा आउने तयारीमा रहेको छ ।
प्रकाशित:
Thursday, January 12, 2023 | 11:06:00 बिहीबार, २८ पौष, २०७९
