संगीत मन नपराउने र नगुनगुनाउने मान्छे बिरलै हुन्छन् । सुखदुःखको साथी हो संगीत । दुःखमा मनको बह पोख्ने अनि खुशीमा उत्सव मनाउने एउटा माध्यम हो संगीत ।
पछिल्लो समय युवा वर्गमा संगीतको क्रेज अझ बढ्दो छ । यसलाई रहरदेखि व्यवसायसम्म बनाउनेको ठूलै लर्को छ यतिखेर । समय अनुसार भित्रिएका विभिन्न प्रविधि तथा प्लेटफर्म मार्फत संगीतले फड्को मारेको त छँदैछ नयाँ कलाकारलाई पनि स्थापित गराइदिएको छ । तर, संगीत क्षेत्रमा जम्न भने सोचे जस्तो सहज चाहिं छैन । धेरै गीत गाइसक्दा पनि गुमनाम रहेका कलाकारहरूको संख्या पनि उत्तिकै छ ।
आजकल युवाहरूको सपना पूरा गरिदिने एउटा दरिलो माध्यम बनेको छ रियालिटी शो । नेपालमा पछिल्लो समय गायनमा रुचि भएका र गाउन सक्ने क्षमता भएका कलाकारलाई लिएर नेपाल सिङगीङ सुपरस्टार शो सञ्चालन भइरहेको छ । इमेज एचडी टेलिभिजन मार्फत प्रत्येक सोमबार र मंगलबार राति प्रशारण हुने उक्त रियालिटी शो छोटो समयमै चर्चित बनेको छ ।
उसो त प्रविधिको प्रयोग रियालिटी शोमा पनि बढ्दो छ अहिले । शोहरूमा पनि रेकर्डेड, अटो ट्युनर लगाएर, मिक्सिङ गरेर आवाजलाई लयमा ल्याउने, उत्कृष्ट सुनाउने प्रचलन बढेको छ । तर, यस रियालिटी शोका जजहरूले भने रेकर्डेड, अटो ट्युनरको प्रयोग नभई सहभागीले जस्तो गाएका छन् उस्तै बोर्डकास्ट गरिने दावी गरेका छन् । उक्त शोमा सत्य स्वरुप आचार्य, मिलन नेवार र सञ्जय श्रेष्ठ जजका रूपमा रहनु भएको छ ।
आजकल युवाहरूको सपना पूरा गरिदिने एउटा दरिलो माध्यम बनेको छ रियालिटी शो । नेपालमा पछिल्लो समय गायनमा रुचि भएका र गाउन सक्ने क्षमता भएका कलाकारलाई लिएर सुपरस्टार सिङ्गर शो सञ्चालन भइरहेको छ ।
यसै रियालिटी शो मार्फत झापाको कचनकवलका दिपक सापकोटा (भान्जा)ले स्रोता–दर्शकको मन जित्दै जानुभएको छ । सानैदेखि सांगीतिक माहोलमा हुर्किनुभएका दिपकलाई रियालिटी शोको अनुभव नयाँ होइन । उहाँले यसअघि द भ्वाइस अफ नेपालको सेटमा पनि आफ्नो आवाज गुञ्जाइसक्नु भएको छ ।
दिपकको मामा गौरव दर्पण नाम चलेकै गायक/संगीतकार भएकाले दिपकलाई संगीत सिक्न धेरै गाह्रो भएन । २०६५ सालतिर कक्षा ८ को परीक्षा दिएर छुट्टी मनाउन मामाघर जानुभएका दिपकले पहिलो पटक संगीतलाई नजिकबाट नियाल्न पाउनुभयो । उहाँले मामाघर एक महिना बस्दा संगीतका साधारण ज्ञान, आरोह अवरोह र साधना गर्न सिकिसक्नुभएको थियो । मामाघरबाट फर्किएपछि साधना त छुट्यो तर गीत गुनगुनाउने बानी भने बसिरह्यो । त्यही साल गाउँमा सरस्वती पूजाको अवसरमा लागेको मेलामा दिपकले पहिलो पटक स्टेजमा गएर गीत गाउने अवसर पाउनुभयो ।
साथीसँग मेला हेर्न जानुभएका दिपकलाई त्यहाँ गएर गीत गाउन पाउँछु भन्ने लागेको थिएन । मेलामा डान्सको कार्यक्रम रहेको तर गाउने कोही नभएको र राम्रो गाउनेलाई तीन सय रुपैयाँ नगद पुरस्कार रहेको थाहा पाएपछि दिपकका साथीले उहाँको नाम लेखाइदिए ।
त्यो वेला उहाँसँग कुनै म्युजिक ट्रयाक त परको कुरा कुन गीत गाउने भन्नेसम्म पत्तो थिएन । “स्टेजमा उक्लेर जसोतसो स्वरुपराज आचार्यको ‘माया अन्तै सार’ बोलको गीत विनाट्रयाकमै गाएँ,” दिपक सम्झनुहुन्छ ।
मेलामा डान्सको कार्यक्रम रहेको तर गाउने कोही नभएको र राम्रो गाउनेलाई तीन सय रुपैयाँ नगद पुरस्कार रहेको थाहा पाएपछि दिपकका साथीले उहाँको नाम लेखाइदिए ।
गाउने आफू एक्लै छु र पुरस्कार आफैंले पाउँछु भनेर स्टेज चढ्नुभएका दिपकलाई अन्य चार जना पनि थपिएपछि भने केही चुनौती महसूस भयो । यद्यपि; नतिजामा उहाँकै नाम प्रथम घोषित भयो । उहाँ म्युजिक क्षेत्रमा लाग्नुको मुख्य प्रेरणा त्यही तीन सय रुपैयाँ पुरस्कारलाई मान्नु हुन्छ ।
“मान्छेको त्यो भिडमाझ स्टेजमा चढेर गीत गाउनु नै मेरो लागि सबैभन्दा ठूलो चुनौती थियो । तीन सयको लोभले त्यो रिक्स लिएको थिएँ । तीन सय रुपैयाँ र डायरी पुरस्कार पाएपछि संगीतप्रति अझै धेरै सम्मान र यसमै केही हुने रहेछ भन्ने भावना जाग्यो,” दिपक सुनाउनुहुन्छ ।
एलएलसीपछि मामाघरमै बस्नुभएका दिपकले संगीत मज्जाले सिक्न थाल्नुभयो । घरमा मामासँग र खाली समयमा बिहानी कलाकेन्द्रमा सिक्नुभयो ।
कलेज, गाउँमा हुने सांस्कृतिक कार्यक्रममा प्रायः गीत गाउने अवसर मिलिराख्ने भएकोले दिपकलाई स्टेजमा गीत गाउन नौलो लाग्न छोडिसकेको थियो । संगीतमा अझ पोख्त हुनुपर्छ भन्ने भएपछि उहाँले काठमाडौं जाने सोच बनाउनुभयो । घरबाट निस्कँदा एक वर्ष राम्रोसँग संगीत सिक्ने र एउटा गीत निकाल्छु भन्ने सोच थियो उहाँको । तर, काठमाडौं आएपछि कुमार महाराज, सचिन सिंह, मित्र लामा जस्ता दिग्गज संगीतकारहरूसँग घुलमिल बढ्यो । उहाँहरूको राय सुनेपछि गीत रेकर्डभन्दा पनि सिक्न नै जरुरी रहेछ भन्ने लाग्यो । त्यसपछि निरन्तर साधनामा नै जोड दिनुभयो । काठमाडौंलाई कर्मथलो बनाएको पाँच वर्षपछि ‘घर फिर्नु कसरी’ बोलको गीत रेकर्ड गराउनुभयो ।
संगीतमा उहाँलाई काठमाडौंले धेरै अवसर दियो । नाम चलेका कलाकारको साथ–सहयोग, भ्वाइस अफ नेपालमा सहभागिता, आफ्नै आवाज रहेको गीत, आफ्नो शब्द संगीत रहेको गीत र अहिले सुपरस्टार सिङ्गर शोको टप १८ मा पर्ने अवसर काठमाडौंले दिएको उहाँ बताउनुहुन्छ ।
सानैदेखि सांगीतिक माहोलमा हुर्किनुभएका दिपकलाई रियालिटी शोको अनुभव नयाँ होइन । उहाँले यसअघि द भ्वाइस अफ नेपालको सेटमा पनि आफ्नो आवाज गुञ्जाइसक्नु भएको छ ।
अझ धेरै स्रोता–दर्शकसामु चिनिन र संगीतलाई अझ नजिकबाट नियाल्न आफूले रियालिटी शोमा सहभागिता जनाएको दिपक बताउनुहुन्छ । “स्रोता–दर्शकले चिनुन् भन्ने नै इच्छा हो । अर्को कुरा; त्यसमा मैले मेरो प्रतिभा पनि प्रत्यक्ष रूपमा देखाउन पाएको छु । टप कम्पिटिसन हुन्छ त्यहाँ । रियालिटी शोमा आउनुको मुख्य अर्को कारण चाहिं मेरो मन पर्ने गायकद्वय जजको रूपमा त्यहाँ हुनुहुन्छ,” दिपक भन्नुहुन्छ ।
त्यसो त दिपक आफू पनि गीतकार तथा संगीतकार समेत हुनुहुन्छ । लकडाउनको समयमा चार वटा गीत लेखेर कम्पोज गरेको उहाँ सुनाउनुहुन्छ ।
दिपकको आवाज रहेको ‘घर फिर्नु कसरी’, उहाँको शब्द संगीतमा निशान भट्टराईको आवाज रहेको ‘कहानी एकादेशको’ सार्वजनिक भइसकेको छ भने प्रताप दासको आवाजमा रहेको ‘बाँसको जरा तामा’ बोलको गीत यही महिनाभित्र आउने तयारीमा रहेको छ ।
उहाँले स्रोता–दर्शकमाझ भोटको लागि अपिल समेत गर्नुभएको छ । सुपरस्टार सिङ्गरमा अरू अगाडि पुर्याउने जिम्मा स्रोता–दर्शकको भएको भन्दै उहाँले भन्नुभएको छ, “मेरो भविष्य स्रोता दर्शककै हातमा छ । ओएसआर कनेक्टको एप्लिकेसन डाउनलोड गरी मलाई भोट दिनुहुन आग्रह गर्दछु ।”
नेपालमतका कुनै पनि सामग्रीबारे तपाईंको गुनासो, सुझाव र थप जानकारी अथवा नयाँ कुनै सूचना भए हामीलाई info.nepalmat@gmail.com मा इमेल पठाउनु होला।
गोरखाको सहिद लखन गाउँपालिकाका महिला सीपमूलक तालिम लिएर आयआर्जनमा जोडिन थालेका छन्। विभिन्न सङ्घसंस्था तथा स्थानीय पालिका र वडामार्फत प्रदान गरिँदै आएको सीपमूलक तालिम लिएर...
काठमाडौं - एकाउन्टविलिटी ल्याब नेपालले पाँच जना 'इन्टेग्रिटी आइकन'को नाम सार्वजनिक गरेको छ । विगत दश वर्षदेखि उत्कृष्ट सेवादिने कर्मचारीलाई खोजेर ल्याबले इन्टेग्रिटी आइकन मार्फत् सम्मानित गर्दै...
नेपालगञ्ज – लोकप्रिय स्रष्टा श्यामानन्द सिंह ठकुरी अहिले क्यान्सर रोगसँग जुधिरहनु भएको छ । ६९ वर्षिय वरिष्ठ कलाकार सिंहको पेटको आन्द्रामा क्यान्सर देखिएपछि एक महिनादेखि...
म्याग्दी- रोजगारीका खोजीमा दिनानुदिन नेपाली युवा विदेशिएका अवस्थामा अन्नपूर्ण गाउँपालिका वडा नं ६ म्याग्दीका नारायण बरुवाल भने यतिखेर वैदेशिक रोजगारी छोडेर बाख्रापालनमा लाग्नुभएको छ । विगतमा...
बझाङ- बस्तीभन्दा झण्डै एक किलोमिटर टाढा । अग्लो डाँडाको काखमा एक झुपडी । त्यसैमा बस्छ, सात सदस्यीय एक परिवार । नजिकै छ, डेढ दर्जनबढी वस्तुभाउ...