नेपालगञ्ज – भारोत्तोलन खेलाडी सन्जु चौधरीको पार्थिव शरीरमा युवा तथा खेलकुद मन्त्री महेश्वर गहतराज (अथक)ले राष्ट्रिय झण्डा ओढाएर सम्मान व्यक्त गर्नु भएको छ ।
बुधबार बिहान बाँकेको राप्तिसोनारीस्थित चौधरीको निवासमा पुगेर मन्त्री अथकले राष्ट्रिय झण्डा ओढाई श्रद्धाञ्जली अर्पण गर्नु भएको हो ।
मंगलबार काठमाडौँमा मृत अवस्थामा भेटिएकी चौधरीको शव गृह जिल्ला बाँके लगिएको थियो। बाँकेको राप्तीसोनारी ३ बेलासपुरमा रहेको घरमा बुधबार चौधरीको शव अन्तिम श्रद्धाञ्जलीका लागि राखिएको थियो। चौधरीलाई अन्तिम श्रद्धाञ्जली दिन बेलासपुर पुगेका मन्त्री अथकले राष्ट्रिय झण्डा ओढाएर सम्मान व्यक्त गर्नु भयो ।
मन्त्री अथकले चौधरीको निधनले नेपाली खेल क्षेत्रमा अपुरणीय क्षति पुगेको बताउनु भयो।
प्रकाशित:
Wednesday, May 11, 2022 | 19:07:00 बुधबार, २८ बैशाख, २०७९
2025-06-30-03-54-53.gif)
