काठमाडौं- जिम्बावे ए विरुद्धको तेस्रो तथा अन्तिम एकदिवशीय खेलमा जिम्बावे ‘ए’ले नेपाललाई २१४ रनको लक्ष्य दिएको छ।
टस हारेर पहिले ब्याटिङ गरेको जिम्बावे ‘ए’ टोली ३२.१ ओभरमा २१३ रन जोड्दै अलआउट भयो ।
वर्षाले मैदान हिलो भएपछि ३३ ओभरमा छोट्याइएको थियो ।
जिम्बावेका टाडिवानासे मारुमानीले सर्वाधिक ५० रन, इन्नोसेन्ट किया १२ रन,कुडजाई माउन्जेले ३९, रोए कियाले ३६, कप्तान टोनी मुन्योङ्गाले २४, लुक जोङ्ग्वेले १९ र सेफास जुवायोले १६ रन जोडे ।
बलिङमा किशोर महतोले ७ ओभरमा १ मेडन राखेर ४३ रन खर्चँदै सर्वाधिक ५ विकेट लिए । सोमपाल कामीले २ तथा दीपेन्द्र सिंह ऐरी र करण केसीले समान एक विकेट लिए ।
प्रकाशित:
Monday, May 09, 2022 | 15:30:00 सोमबार, २६ बैशाख, २०७९
