नेपालगन्ज - नेपालगन्जको बेलासपुरमा 'एभियसन म्युजियम' संचालनमा आएकाे छ ।
१ करोड ८० लाख रूपियाँ लगानीमा स्थापना भएको म्युजियम शनिवारदेखि सञ्चालनमा आएकाे परिकल्पनाकार तथा संचालक क्याप्टेन वेद उप्रेतीले जानकारी दिनुभयो ।
विद्यार्थीहरुलाई हवाई सम्बन्धी जानकारी दिने तथा आन्तरिक पर्यटनमा टेवा पुर्याउने उद्देश्यले म्युजियमको स्थापना भएको हो । ठूलो जहाजभित्र २ सय भन्दा बढी मोडेलका जहाजहरु पनि राखिएको छ ।
पश्चिम नेपाल र एभरेष्ट क्षेत्रका ३० उत्कृष्ट फोटोहरु पनि राखिएको उप्रेतीले बताउनुभयो । स्कुलका विद्यार्थीहरुका लागि छुट सहित टिकटको व्यवस्था गरिएको उहाँले बताउनु भयो ।
धनगढीमा रहेको उक्त म्युजियमलाई त्यहाँ स्थान अभाव भएका कारण स्थानान्तरण गरी नेपालगन्ज ल्याइएको हो । 'एभियसन म्युजियम'को स्थापनाले नेपालगन्जको पर्यटन प्रर्वधनमा मद्दत पुग्ने विश्वास लिइएको छ ।
प्रकाशित:
Friday, January 14, 2022 | 07:15:00 शुक्रबार, ३० पौष, २०७८
2025-06-30-03-54-53.gif)
