• मंगलबार, १४ मङ्सिर, २०७८
  • ०२:१९:५३

साफ च्याम्पियनसिपको उपविजेता नेपाली टोली स्वदेश फर्कियो, खेलकुदमन्त्रीद्वारा स्वागत

  • नेपालमत
  • सोमबार, १ कार्तिक, २०७८- ११:४६:००/ Monday 10-18-21

काठमाडौं–साफ च्याम्पियनसिपको उपविजेता बनेको नेपाली टोली स्वदेश फर्किएको छ । नेपाली टिम बिहान १० बजे त्रिभुवन अन्तराष्ट्रिय विमानस्थल ओर्लिएको थियो । 

नेपाली टोलीलाई खेलकुद मन्त्री महेश्वर गहतराज तथा अखिल नेपाल फुटबल संघ (एन्फा) का उपदाधिकारी लगायतले भव्य स्वागत गरेका थिए । खेलकुदमन्त्री गहतराज आफैं विमानस्थल पुगेर मला खादा लगाउँदै स्वागत गर्नु भएको थियो । उहाँले साफमा नेपाली खेलाडीहरुले गरेको प्रदर्शन गरेको खेलको प्रशंसा गर्दै  सरकारको तर्फबाट गर्ने सहयोगका लागि कुनै कसर बाँकी नराख्ने घोषणासमेत गर्नु भएको थियो । 

माल्दिभ्समा भएको साफमा नेपाल पहिलो पटक फाइनलमा पुगेको थियो । तर फाइनलमा भारतसाग ३–० ले पराजित हुँदै उपविजेतामा सिमित भएको थियो ।  नेपाली टोलीका मुख्य प्रशिक्षक अब्दुल्लाह अल्मुताई भने फाइनल अघि नै राजीनामा दिइसकेका कारण माल्दिभ्सबाट कुवेत पुगेका जानु भएको छ । यस्तै राष्ट्रिय टोलीका सदस्य रोहित चन्दसमेत नेपाल झरेनन् । 

व्यावसायिक फुटबलका लागि इन्डोनेशिया लिग वान खेलिरहेका रोहित जाकार्ता नै लाग्नु भएको छ । यसअघि रोहित जाकार्ताबाट सिधै माल्दिभ्स पुग्नु भएको थियो ।  पाँच राष्ट्र सहभागी प्रतियोगितामा नेपाल लिग चरणमा उपविजेता बन्दै फाइनल पुगेको थियो । भारतले भने राउण्ड रोबिन लिगको शीर्ष स्थानमा रहँदै फाइनल खेलेको हो ।

लिग चरणमा नेपालले माल्दिभ्सलाई १–० र श्रीलंकालाई ३–२ ले हराएको थियो । यस्तै भारतसँग १–० ले पराजित हुँदा अन्तिम खेलमा बंगलादेशसँग १–१ को बराबरी खेलेको थियो ।

नेपालमतका कुनै पनि सामग्रीबारे तपाईंको गुनासो, सुझाव र थप जानकारी अथवा नयाँ कुनै सूचना भए हामीलाई nepalmatnews@gmail.com मा इमेल पठाउनु होला।