काठमाडौं- नेपालले साफ च्याम्पियनशीप फुटबल प्रतियोगिता–२०२१ को फाइनलमा पुगेको छ ।

यो नेपालको ऐतिहासिक उपलब्धि हो ।

बंगलादेशसंग बुधबारको खेल बराबरी खेलेपछि नेपाल फाइलमा प्रवेश गरेको हो ।

तीन खेलमा दुईमा जित, एकमा हार र एक बराबरी खेल्दै ७ अंकसहित नेपाल फाइनलमा पुगेको हो ।

साफ च्याम्पियनशीप फुटबल प्रतियोगिताको इतिहासमा नेपाल पहिलो पटक फाइनलमा पुगेको हो ।

माल्दिभ्समा जारी खेल प्रतियोगिताको समूह चरणको अन्तिम खेलमा बङ्ग्लादेशसँग बराबरी खेलेपछि नेपालले फाइनल खेलमा आफ्नो स्थान सुरक्षित बनाएको हो ।

राउण्ड रोबिन लिगअन्तर्गतको बुधबारको खेलमा नेपालले पुनरागमन जित हासिल गरेको हो ।

१० खेलाडीमा सीमित बङ्गलादेशसँग नेपालले १–१ गोलको बराबरी खेल खेलेको हो ।

मालेस्थित राष्ट्रिय रङ्गशालामा भएको खेलमा खेलको नवौँ मिनेटमा बङ्गलादेशका सुमन रिजाले गोल गरेर आफ्नो देशलाई अग्रता दिलाएका थिए ।

नेपालका लागि अञ्जन विष्टले दोस्रो हाफको ८८ औँ मिनेटमा पेनाल्टीमार्फत गोल फर्काएका हुन ।

नेपालले फाइनल खेल आगामी शनिबार राति खेल्नेछ ।