काठमाडौं- नेपाल प्रहरीको लागूू औषध नियन्त्रण ब्यूूरोले थाङ्का र नेपाल हस्तकलाका सामग्रीमा लुुकाईछिपाई हङकङ लैजाने तयारी गरिरहेको अवस्थामा सात किलो ९ सय ७७ ग्राम चरेश र सो कार्यमा संलग्न ७ जनालाई पक्राउ गरेको छ ।
ब्यूूरोद्वारा आइतबार आयोजित पत्रकार सम्मेलनमा लागू औषध चरेश ओसारपसारमा संलग्न भएको अभियोगमा पक्राउ परेका सात अभियुक्तलाई सार्वजनिक गरियो ।
ब्यूूरो र महानगरीय प्रहरी परिसर ललितपुरको टोलीले ललितपुरको मानभवनस्थित ब्लुुस्टार कार्गोबाट हङकङ पठाउन लागेको अवस्थामा ९ थान थाङ्का र त्यसमा प्रयोग हुने काठको डण्डीभित्र लुकाई राखेको ३ किलो ५० ग्राम चरेशसहित मोरङ उर्लाबारी–८ का अन्जित थापालाई पक्राउ गरेको ब्यूूरो प्रमुख हृदयेश थापाले जानकारी दिनुुभयो ।
लागूूऔषध कारोबारी अन्जितलाई उक्त सामान दिने सिन्धुुपाल्चोक सुनकोशी–५ का सुजन श्रेष्ठलाई पनि प्रहरीले पक्राउ गरेको छ । उनीहरुको साथबाट प्रहरीले १ लाख नगदसमेत बरामद गरेको छ ।
अनुुसन्धानकै सिलसिलामा प्रहरीले काठमाडौँ महानगरपालिका–१४ बाट सुुजन श्रेष्ठलाई चरेश दिने सिन्धुुपाल्चोक लिशँखुु–५ का सागर भन्ने जालिन्द्र श्रेष्ठको डेराबाट थाङ्कामा प्रयोग हुने काठका ९६ थान लिस्टीभित्र लुुकाईछिपाई राखेको दुई किलो ४० ग्राम चरेस फेला पारेको थियो ।
पर्सा सखुवा पर्सोनी–१ घर भई काठमाडौँ बौद्ध नयाँबस्तीमा सिलाई बुुनाई काम गर्ने दिनदयाल महतो र दीपेन्द्र महतोलाई पनि थाङ्कामा प्रयोग हुने १ सय १३ थान लिस्टी र दुई किलो ८ सय ७५ ग्राम चरेससहित पक्राउ गरिएको छ ।
प्रहरीले मकवानपुुर–११ का रवि मोक्तानको कलङ्कीस्थित डेराबाट नौ ग्राम ५०० मिलिग्राम चरेश बरामद थियो ।
उक्त कारोबारमा संलग्न धाादिङ थोक्रे–३ का मोतीलाल तामाङ पनि दुई ग्राम ५सयमिलिग्राम चरेशसहित पक्राउ परेका हुन् ।
निजले धादिङलगायतका स्थानबाट चरेस सङ्कलन गरी कारोबारीलाई उपलब्ध गराउने गरेको ब्यूूरोका प्रहरी नायब उपरीक्षक फणिन्द्र प्रसाईंले जानकारी दिनुुभयो ।
प्रकाशित:
Sunday, October 10, 2021 | 18:06:00 आइतबार, २४ असोज, २०७८
