काठमाडौं - धापासी समृद्ध नारी मञ्च र समाज डेन्टल हस्पिटलको संयुक्त आयोजनामा नि:शुल्क दन्त शिविर गरिएको छ ।
टोखा नगरपालिका वडा नम्बर ६ को कार्यालय परिसरमा भएको शिविरमा स्थानीय करीब २ सय जनाले सेवा लिएका छन् ।
टोखा नगरपालिकामा विभिन्न सामाजिक कार्य गर्ने उद्देश्यले ६ महिना अगाडी स्थापना भएको धापासी समृद्ध नारी मञ्चले पहिलो पल्ट नि:शुल्क दन्त शिविर आयोजना गरेको मञ्चका अध्यक्ष विष्णु अर्याल पोखरेलले बताउनु भयो ।
नि:शुल्क दन्त शिविरमा उपचार गराएका मध्ये अधिकांशको सफाइ कम देखिएको चिकित्सकले बताएका छन् । त्यसका लागि स्केलिगं गर्नुपर्ने उनीहरूको सुझाव थियो। समाज डेन्टलले दन्त सेवा परिक्षण लिएका सबैलाई हाईजिन किट अन्तर्गत टुथपेस्ट र टुथब्रस नि:शुल्क वितरण गरेको थियो ।
समाज डेन्टलका डाक्टर सृष्टी शाहको नेतृत्वमा रहेको प्राविधिक टोलीले सेवा दिएको थियो । शिविरमा सेवा लिएका सबैलाई अस्पतालको सेवा लिनु परेमा २० प्रतिशत छुट दिने घोषणा समाज डेन्टल अस्पतालले गरेको छ ।
प्रकाशित:
Sunday, December 29, 2024 | 11:45:00 आइतबार, १४ पौष, २०८१
