काठमाडौं - ग्लोबल आइएमई बैंक लिमिटेडले आफ्ना २३३ वटा शाखा कार्यालयमार्फत एकसाथ वित्तिय साक्षरता कार्यक्रम सञ्चालन गरेको छ ।
सातवटै प्रदेशअन्तर्गत आयोजना गरेका कार्यक्रममा ३५ हजार भन्दा बढीले सहभागिता जनाएका छन् ।
बैंकको संस्थागत सामाजिक उत्तरदायित्वअन्तर्गत वित्तिय पहुँचबाट बाहिर रहेका विभिन्न लक्षित वर्गहरु पहिचान गरी साक्षरता कार्यक्रम गरिएको जनाइएको छ ।
सातवटै प्रदेशअन्तर्गत आयोजना गरेका कार्यक्रममा ३५ हजार भन्दा बढी कृषक, लघु, साना तथा मझौला उद्यमीहरु, मजदुर, वैदेशिक रोजगारमा जाने सम्भावित व्यक्तिहरु, विद्यार्थी, महिला, विप्रेषण प्रापक तथा स्थानीय युवा–युवतीहरुको सहभागिता रहेको थियो बैंकले जनाएको छ ।
ग्लोबल आइएमई बैंकले चालु आर्थिक वर्ष २०८०/८१ मा मुलुकका ७७ जिल्लामा रहेका आफ्ना शाखाहरुमार्फत वित्तिय साक्षरता तथा डिजिटल बैंकिङ्ग प्रवर्धन कार्यक्रम सञ्चालन गरिरहेको जनाएको छ ।
कार्यक्रममा बचत, कर्जा, रेमिट्यान्स, डिजिटल बैंकिङ्ग, बीमा, लगानी, अतिरिक्त बैंकिङ्ग सेवाहरु, वित्तीय ठगी र वित्तिय अनुशासनसम्बन्धी विषयवस्तुमा जानकारी गराइएको छ ।
प्रकाशित:
Sunday, June 30, 2024 | 21:39:00 आइतबार, १७ असार, २०८१
2025-05-20-10-00-15.jpeg)
