नेपालगञ्ज - पछिल्लो समय परोपकारी पत्रकारितामा सकृय पत्रकार कृष्णराज अधिकारी पुरस्कृत भएका छन् ।
नेपाल पत्रकार महासँघ, बाँके शाखाको १४औं बार्षिक साधारण सभाका अबसरमा अधिकारीलाई ५ हजार रुपियाँ नगद र प्रमाणपत्र सहित पुरस्कृत गरिएको हो ।
विगत डेढ दशकदेखि सञ्चारकर्ममा कृयाशील अधिकारी कृष्णसार एफएम तथा टीभी कृष्णसार डिजिटलको प्रोडक्सन टीम लिडर हुन् ।
मनोरञ्जन पत्रकारिताबाट मिडियामा प्रवेश गरेका उनी पछिल्ला वर्षदेखि स्थानीय मुद्दा तथा समस्या र पीडामा रहेका मानिसहरुका बारेमा विशेष खोजमुलक अडियो भिजुअल रिपोर्टिङमा रुचि राख्छन् ।
अधिकारीले आफुले पाएको नगद पुरस्कार भिरबाट लडेर एक महिनादेखि वेहोस बाजुराको हिमाली गाउँपालिकाकी कुसुमकला रोकायलाई तत्कालै प्रदान गरेका छन् । उनको भेरी अस्पतालमा उपचार भैरहेको छ ।
गत वर्ष नेपाल प्रेस युनियन बाँकेले पनि उनलाई पत्रकारिता पुरस्कार प्रदान गरेको थियो ।
प्रकाशित:
Sunday, June 09, 2024 | 08:41:00 आइतबार, २७ जेठ, २०८१
