नेपालगञ्ज - एक जोडीले आफ्नो विहेको दिन जिवन विमाको पोलिसी एक अर्कालाई उपहार दिएका छन् ।
ईटली वस्ने वर्दियाका मनोज कुमार चौधरी र स्टाफ नर्स अध्ययन पुरा गरेकी कैलालीकी किरणले विमा बारे सन्देश दिन भन्दै विहेकै दिन विमा गर्ने निर्णय गरेको बताएका छन् ।
उनीहरुले सुरक्षित भविस्य र जोखिम वहन सहितको हिमालयन धनसागर जीवन विमा पोलिसि एकले अर्कोलाई सोमबार विवाह मण्डपमै हस्तान्तरण गरेका थिए । कैलालीको भजनी स्थित दुलही किरणको घरमा स्वयम्वरका वेला एकले अर्कोलाई दुवो र फूलको माला, औंठी सँगै हिमालयन लाईफ इन्सुरेन्सको पैसा वचत र रोग चोट सहितको जोखिम हस्तान्तरण हुने विमा योजनाको वोन पेपर बुझाएका थिए ।
हिमालयन लाईफका सीओटी तथा वरिष्ठ एजेन्सी मेनेजर माधवराज अधिकारी, शाखा प्रमुख लाहनु थारू र समाजसेवी चन्द्र चौधरीले सामुहिक रूपमा उक्त विमा पोलिसी हस्तान्तर गरेका थिए ।
प्रकाशित:
Monday, February 12, 2024 | 22:48:00 सोमबार, २९ माघ, २०८०
2025-06-30-03-54-53.gif)
