सुर्खेत - कर्णाली प्रदेशमा बन्यजन्तु सम्बन्धि अपराध नियन्त्रणमा कृयाशील कर्मचारीहरुको क्षमतावृद्धिका लागि तालिम सुरु भएको छ ।
तालिममा कर्णाली प्रदेश अन्तर्गत डिविजन बन कार्यालय सुर्खेतका ६ जना, जुम्लाका ३ जना , जाजरकोटका २ जना, सल्यानका ३ जना, भेरीका २ जना र डिविजन बन कार्यालय कालिकोट, दैलेख, डोल्पा, हुम्ला तथा मुगुका एक/एक जना, प्रदेश बन निर्देशनालय सुर्खेतका ४ जना समेत २५ जना सहभागि छन् ।
विरेन्द्रनगरमा भैरहेको बन्यजन्तु अपराध नियन्त्रण र कानुन कार्यान्यन सम्बन्धि तीन दिने आधारभूत तालिममा अग्रपन्थीमा काम गर्ने कर्मचारीहरुको सहभागिता छ ।
राष्ट्रिय प्रकृति संरक्षण कोष बर्दियाको आयोजनामा सुरु गरिएको आवासिय तालिमको प्रमुख उद्देश्य अग्रपंक्तिमा खटिने कर्मचारीको कार्यदक्षता बढाउने रहेको छ । तालिम शुभारम्भ कार्यक्रममा बोल्दै प्रदेश बन निर्देशक गोविन्दप्रसाद दाहालले तालिमबाट बन र बन्यजन्तु सम्बन्धि घटनाको मुद्दाहरुको अनुसन्धानमा कार्य कुशलता बढ्ने अपेक्षा गर्नु भयो ।
तालिम गैरकानुनी रुपमा बन्यजन्तु अपराधमा संलग्न हुने अपराधी र अपराधलाई निरुत्साहित गर्न प्रभावकारी हुने विश्वास रहेको तालिम संयोजक राष्ट्रिय प्रकृति संरक्षण कोषका उमेश पौडेलले बताउनु भयो ।
कार्यक्रममा कानुनको बिषयका विज्ञहरु श्रोत ब्यक्ति रहेका छन् । आइतबारबाट सुरु भएको तालिम मंगलबार सकिनेछ ।
प्रकाशित:
Sunday, December 10, 2023 | 21:31:00 आइतबार, २४ मङ्सिर, २०८०
2025-06-30-03-54-53.gif)
