नेपालगञ्ज - बन्यजन्तु सम्बन्धि अपराध नियन्त्रण र कानुन कार्यान्वयनका क्षेत्रमा अग्रपङ्तिमा रहेर कार्य गर्ने कर्मचारीहरुका लागि आइतबारदेखि गाभरमा तालिम सुरु भएको छ ।
बन्यजन्तु अपराध नियन्त्रण र कानुन कार्यान्यन सम्बन्धि तीन दिने आधारभूत तालिममा बाँके राष्ट्रिय निकुन्जका १५ जना, बाँके डिभिजन बनका ८ जना र बर्दिया डिभिजन बनका २ जना गरी २५ जना कर्मचारी सहभागि छन् ।
राष्ट्रिय प्रकृति संरक्षण कोष बर्दिया र बाँके राष्ट्रिय निकुन्जको आयोजना तथा राष्ट्रिय प्रकृति संरक्षण कोषको आर्थिक सहयोगमा आवासिय रुपमा तालिम सुरु गरिएको हो । बाँके राष्ट्रिय निकुन्जका वरिष्ठ प्रमुख संरक्षण अधिकृत मनोजकुमार शाहले बन र बन्यजन्तु सम्बन्धि घटनाका मुद्दाहरुको अनुसन्धानमा अग्रपङ्तिमा खटिने कर्मचारीहरुको थप कार्य कुशलता बढाउने उद्देश्यले तालिन दिन थालिएको बताउनु भयो ।
अग्रपङ्तिमा रहने कर्मचारीको कानुनी कुशलता र कानुनी प्रक्रियामा गुणस्तरीय क्षमता प्रदर्शनले गैरकानुनी रुपमा बन्यजन्तु अपराधमा संलग्न हुने अपराधी र अपराधलाई निरुत्साहित गर्न सकिने अपेक्षा रहेको तालिम कार्यक्रम संयोजन गर्नु भएका राष्ट्रिय प्रकृति संरक्षण कोषका उमेश पौडेलले बताउनु भयो ।
कार्यक्रममा कानुनको बिषयका विज्ञहरु श्रोत ब्यक्ति रहेका छन् ।
.jpg)
प्रकाशित:
Sunday, December 03, 2023 | 22:03:00 आइतबार, १७ मङ्सिर, २०८०
