काठमाडौं - पुराना खेलकर्मी तथा मिस नेपालको आयोजक हिडन ट्रेजरका पूर्वअध्यक्ष सुवर्ण क्षेत्रीको संस्मरण पुस्तक सपना, विश्वास र अठोट बिहिबार काठमाडौँमा लोकार्पण भएको छ ।
पुस्तकमा खेल पत्रकारिता, नेपाली खेलकुद्, जेसिज यात्रा र मिस नेपाल प्रतियोगिताको संस्थापकका रुपमा उहाँका अनुभवहरु प्रस्तुत गरिएको छ । नेपालले पहिलो पदक जितेको अन्र्तराष्ट्रिय प्रतियोगिता एसियाली खेलकुद (एसियाड) मा सेभ दि मिसन हुँदाको अनुभवलाई पनि पुस्तकमा समेटिएको छ ।
क्रियटिभ बुक्सले प्रकाशन गरेको क्षेत्रीको आत्मकथा उद्योगपति एवं साहित्यकार बसन्त चौधरी, प्रथम मिस नेपाल रुबी राणा, जेसिज नेपालका पूर्वअध्यक्ष गजेन्द्र श्रेष्ठ, वरिष्ठ पत्रकार पी खरेल, राष्ट्रिय खेलकुद परिषद् (राखेप)का पूर्वकोषाध्यक्ष विष्णुगोपाल श्रेष्ठ, प्रकाशक टीएस ठकुरी र पुस्तकका सम्पादक जनक नेपालले संयुक्त रुपमा विमोचन गर्नु भयो ।
कार्यक्रममा क्षेत्रीले आफ्नो जीवनको उतारचढावलाई पुस्तकमा समेटिएको बताउनु भयो ।
नेपाली खेलाडीको आत्मकथा ‘ओलम्पियन’बाट प्रकाशन आरम्भ गरेको क्रियटिभ बुक्सको यो १२ औं पुस्तक भएको प्रकाशक टीएस ठकुरीको भनाई छ ।
प्रकाशित:
Thursday, November 30, 2023 | 17:11:00 बिहीबार, १४ मङ्सिर, २०८०
2024-12-01-11-29-55.jpeg)
