काठमाडौं - भूपालमानसिंह कार्की प्रज्ञापरिषद्ले जाजरकोट र रूकुम पश्चिममा आएको भूकम्प क्षेत्रका पीडितका लागि १० लाख रूपियाँ राशि सहयोग प्रदान गरेको छ ।
भूपालमानसिंह कार्की प्रज्ञापरिषद्का कोषाध्यक्ष प्रा.डा. बालमानसिंह कार्कीले मंगलबार उपप्रधान तथा गृहमन्त्री नारायणकाजी श्रेष्ठलाई १० लाख रूपियाँ राशिको चेक हस्तान्तरण गर्नुभएको छ ।
जनरल भूपालमानसिंह कार्कीबाट २०५२ सालमा एक करोड रुपियाँ राशिको भूपालमानसिंह कार्की प्रज्ञापरिषद्को स्थापना भएको थियो ।
स्थापनाकालदेखि निरन्तर एक दशकसम्म भूपाल प्रज्ञापरिषद्ले पाँच लाख रूपियाँ राशिको सार्क स्तरीय भूपालप्रज्ञा पुरस्कार लगायत साहित्य, कला, धर्मसंस्कृति, समाजसेवा, शिक्षा, खेलकुद आदि क्षेत्रमा वर्षेनी एक दर्जन पुरस्कार समर्पण गर्दै आएको छ ।
प्रकाशित:
Tuesday, November 07, 2023 | 19:34:00 मंगलबार, २१ कार्तिक, २०८०
2023-12-11-10-45-55.jpeg)
