काठमाडौं - यस वर्षको तिहारको भाइटीकाको शुभसाइत सार्वजनिक गरिएको छ । आज नेपाल पञ्चाङ्ग निर्णायक विकास समितिले नेपालको र अन्तर्राष्ट्रिय पञ्चाङ्ग निर्णय समितिले विश्वभरको शुभसाइत सार्वजनिक गरेका हुन् ।
अन्तर्राष्ट्रिय पञ्चाङ्ग निर्णय समितिले सोमबार विज्ञप्ति निकालेर विभिन्न देशमा बसोबास गर्ने सनातन धर्मावलम्बीहरुका लागि अन्तर्राष्ट्रिय साइत सार्वजनिक गरेको जनाएको छ । समितिका सभापति प्रा.डा. माधव भट्टराईका अनुसार नेपालमा भाइटीकाको उत्तम साइत कात्तिक २९ गते बिहान १० बजेर ५१ मिनेटमा रहेको छ ।
यस्तै भारतमा नोभेम्बर १५ को ११ बजेर ५ मिनेटमा उत्तम साइत निकालिएको छ ।
सबै देशको साइतको विवरणका लागि विज्ञप्तिमा हेर्नुहोस्-
.jpg)
उत्तम साइत यो रहे पनि भाइटीकाको दिन जुकसुकै बेला टीका लाउन कुनै बाधा नरहेको भट्टराईको भनाइ छ ।
यसैवीच नेपाल पञ्चाङ्ग निर्णायक विकास समितिले पनि यस वर्षको भाइटीकाको शुभ साइत कात्तिक २९ गते बुधबार १० बजेर ५१ मिनेटमा शुभ रहेको जनाएको छ। दिनभर टिका लाउन सकिने भए पनि राज्य सञ्चालकले भने साइतमै टीका लगाउनुपर्ने शास्त्रीय नियम रहेको समितिले जनाएको छ।
पाँच दिनसम्म मनाइने तिहार कात्तिक २५ गते शनिबारदेखि सुरु हुनेछ।
प्रकाशित:
Monday, November 06, 2023 | 22:03:00 सोमबार, २० कार्तिक, २०८०
