काठमाडौं- अब अनुमति नलिई घरजग्गाको कारोबार गर्नेहरुलाई सजाय हुने भएको छ ।
अनुमति नलिई घरजग्गा कारोबार गर्नेलाई २५ लाख रुपैयाँ जरिमाना, ६ महिना कैद वा दुवै सजायँ हुने भएको हो ।
यसअघि घरजग्गा व्यवसाय र कारोबारका लागि कुनै अनुमतिपत्रको व्यवस्था नभएकोमा मालपोत ऐन २०३४ संशोधनमार्फत अनुमति पत्रको व्यवस्थालाई अनिवार्य गर्न लागिएको हो ।
सरकारले पेश गरेको सम्पत्ति शुद्धीकरणसँग सरोकार राख्ने केही नेपाल ऐन संशोधन विधेयकलाई संसदको कानून, न्याय तथा मानव अधिकार समितिले परिमार्जन सहित पारित गरेको छ ।
प्रतिवेदनमा रहेको मालपोत ऐन सम्बन्धी परिमार्जित व्यवस्थामा अनुमति विपरीत घरजग्गाको कारोबार गरे कैद र जरिमानाको व्यवस्था छ ।
यसअघि त्यस्तो काममा संलग्नलाई १० लाखसम्म जरिमानाको प्रस्ताव मात्रै थियो ।
प्रकाशित:
Tuesday, October 10, 2023 | 19:38:00 मंगलबार, २३ असोज, २०८०
2023-12-11-10-45-55.jpeg)
