काठमाडौं- मंगलबार सुनको भाउले नयाँ कीर्तिमान कायम गरेको छ।
आज सुनको भाउ तोलामा १ हजार रुपैयाँले बढेर प्रतितोला १ लाख ६ हजार ३०० रुपैयाँ पुगेसँगै सुनको भाउ हाल सम्मकै उच्च स्तरमा पुगेको हो ।
तेजाबी सुन १ लाख ५ हजार ८०० रुपैयाँ कायम भएको छ।
यस अघि गत वर्ष फागुन २५ गते १ लाख ५ हजार ५०० रुपैयाँमा कारोबार भएर रेकर्ड राखेको थियो ।
हिजो सोमबार पनि सुनको भाउ तोलामा २०० रुपैयाँले बढेको थियो। यो दिन प्रतितोला छापावल सुन १ लाख ५ हजार ३०० रुपैयाँ र तेजाबी सुन १ लाख ४ हजार ८०० रुपैयाँमा कारोबार भएको थियो।
आज चाँदीको भाउ भने तोलामा १५ रुपैयाँले घटेर १ हजार ३६५ रुपैयाँ कायम भएको छ। हिजो तोलामा ५ रुपैयाँले घटेर चाँदी १ हजार ३८० रुपैयाँमा किनबेच भएको थियो।
प्रकाशित:
Tuesday, January 24, 2023 | 11:33:00 मंगलबार, १० माघ, २०७९
2025-06-30-03-54-53.gif)
