काठमाडौं- नेपाल प्रहरीका पूर्वमहानिरीक्षक (आइजीपी) सर्वेन्द्र खनाल एमालेमा प्रवेश गर्नु भएको छ ।
एमाले मुख्यालय च्यासलमा उहाँलाई अध्यक्ष केपी शर्मा ओलीले पार्टी प्रवेश गराउनु भएको हो ।
ओली प्रधानमन्त्री हुँदा खनाल आइजीपी हुनुहुन्थ्यो ।
खनालसँगै अन्य पार्टीका नेताहरु पनि एमाले प्रवेश गरेका छ्न्।
यता काठमाडौं क्षेत्र नम्बर ६ मा स्वतन्त्र चुनाव लड्ने घोषणा गरेका अब्दुस मिया पनि एमाले प्रवेश गर्नु भएको छ ।
बिहीबार खनालसँगै मियाँ पनि एमाले प्रवेश गर्नुभएको हो ।
प्रकाशित:
Thursday, September 22, 2022 | 12:17:00 बिहीबार, ६ असोज, २०७९
