काठमाडौं– आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि सत्तारुढ दलहरुबीच सिट बाँडफाँटमा अहिलेको संसदको उपस्थितिलाई मुख्य आधार बनाउने सहमति भएको छ
बिहीबार प्रधानमन्त्री निवास बालुवाटारमा बसेको सत्तारुढ गठबन्धनको सिट बाँडफाँट कार्यदलको बैठकमा यस्तो सहमति भएको माओवादी केन्द्रका नेता देव गुरुङले जनाकारी दिए ।
उनले भने, ‘त्यो बेलाको निर्वाचनलाई बेस बनाउने मोटामोटी सहमति भएको छ । दलको प्रत्यक्ष र समानुपातिकतर्फ उपस्थितिको आधारमा सहमति गर्ने मोडालिटीमा जानुपर्छ ।
अब गठबन्धन कार्यदलको अर्को बैठक साउन ३० गते बस्नेछ ।
प्रकाशित:
Thursday, August 11, 2022 | 18:34:00 बिहीबार, २६ श्रावण, २०७९
