काठमाडौँ - नेकपा एमालेले अध्यक्ष केपी शर्मा ओलीको नेतृत्वमा चुनाव परिचालन कमिटी गठन गरेको छ । बिहीबार बसेको सचिवालय बैठकले केन्द्रीय कमिटीका सबै सदस्यहरू, केन्द्रीय निकाय अनुशासन, निर्वाचन आयोग, लेखा आयोग, केन्द्रीय प्रतिनिधि परिषद्का पदाधिकारीहरुलाई कमिटीमा राखेको छ ।
त्यसैगरी सो कमिटीमा प्रदेश कमिटीका अध्यक्षहरू, जनसंगठनका अध्यक्ष र महासचिव, कन्द्रीय विभागका सचिवहरू, केन्द्रीय निर्वाचन परिचालन कमिटीको सदस्य रहने प्रचार विभाग प्रमुख पृथ्वीसुब्बा गुरुङले जानकारि दिनुभयो ।
उहाँका अनुसार वरिष्ठ उपाध्यक्ष ईश्वर पोखरेलको नेतृत्वमा चुनावी घोषणापत्र मस्यौदा समिति गठन गरेको छ ।
समितिमा उपाध्यक्षहरू अष्टलक्ष्मी शाक्य, रामबहादुर थापा, विष्णु पौडेल, महासचिव शंकर पोखरेल र उपमहासचिवहरु प्रदीप ज्ञवाली र विष्णु रिमाल सदस्य रहेको गुरुङले बताउनुभयो ।
बैठकले आगामी भदौ ७ गते पार्टीको स्थायी कमिटी, ९ गते पोलिब्यूरो, १० र ११ गते केन्द्रीय कमिटी बैठक बोलाउने निर्णय गरेको छ।
प्रकाशित:
Thursday, August 11, 2022 | 18:00:00 बिहीबार, २६ श्रावण, २०७९
2025-06-30-03-54-53.gif)
