काठमाडौँ - प्रधानमन्त्री शेरबहादुर देउवा बुद्ध जन्मस्थल लुम्बिनी आइपुग्नुभएको छ । उहाँ भैरहवास्थित गौतमबुद्ध अन्तर्राष्ट्रिय विमानस्थलमा ओर्लिएर लुम्बिनी आइपुग्नुभएको हो ।
लुम्बिनीमा बुद्ध पूर्णिमाको कार्यक्रमकै तयारी र पाहुनाको स्वागतका लागि प्रधानमन्त्री देउवा, पर्यटन तथा संस्कृति मन्त्री प्रेम आलेसहितको टोली लुम्बिनी पुगेको हो ।
देउवा आज लुम्बिनी बस्नुहुनेछ भने भोलि बिहान ७ बजे भैरहवास्थित गौतमबुद्ध अन्तर्राष्ट्रिय विमानस्थलको उद्घाटन गर्न भैरहवा आउने प्रधानमन्त्रीका प्रेस सल्लाहकार गोविन्द परियारले जानकारी दिनुभयो । भोलि भारतीय प्रधानमन्त्री नरेन्द्र मोदी लुम्बिनी आउदै हुनुहन्छ ।
मोदी नेपालको औपचारिक भ्रमणको सिलसिलामा भोलि बिहान ११ सदस्यीय प्रतिनिधिमण्डलको नेतृत्व गर्दै आइपुग्दै हुनुहुन्छ । प्रतिनिधिमण्डलमा भारतका राष्ट्रिय सुरक्षा सल्लाहकार अजित डोभल, परराष्ट्र सचिव विनयमोहन क्वात्रा, विदेश मन्त्रालयका सहसचिवद्वय अनिन्दम बाग्ची र अनुराग श्रीवास्तव, प्रधानमन्त्री कार्यालयका सहसचिव रुद्रा गौरव श्रेष्ठलगायत हुनुहुन्छ ।
प्रकाशित:
Sunday, May 15, 2022 | 19:28:00 आइतबार, १ जेठ, २०७९
2021-07-25-03-05-46.2021-09-23-05-34-05.jpeg)
