काठमाडौं- तेश्रो लहरको कोरोना महामारीमा हटस्पट बनेको काठमाडौ उपत्यकामा बिहीबार ७ हजार संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार काठमाडौं जिल्लामा ५ हजार १, ललितपुरमा ११ सय ३० र भक्तपुरमा ८ सय ५० गरी बिहीबार काठमाडौ उपत्यकामा मात्रै ६ हजार ९ सय ८१ जना संक्रमित थपिएका छन् ।
त्यस्तै, देशभरका १४ जिल्लामा सक्रिय कोरोना संक्रमितको संख्या ५ सय नाघेको छ ।
उपत्यकाका काठमाडौं, ललितपुर र भक्तपुरसंग मोरङ,सुनसरी ,झापा, धनुषा, चितवन, मकवानपुर, काभ्रेपलाञ्चोक, कास्की, बाँके, रुपन्देही र कैलाली जिल्ला ५ सयबढी सक्रिय संक्रमित छन् ।
सरकारले ५ सय भन्दा बढि संक्रमित भएका क्षेत्र तथा जिल्लालाई अत्यन्त जोखिमपूर्ण क्षेत्रका रुपमा तोक्ने गरेको र २ सय भन्दा बढि संख्यामा संक्रमित हुने जिल्लालाई जोखिमपूर्ण जिल्लाका रुपमा राख्ने गरेको मन्त्रालयले जनाएको छ ।
प्रकाशित:
Thursday, January 20, 2022 | 18:02:00 बिहीबार, ६ माघ, २०७८
2025-06-30-03-54-53.gif)
