म्याग्दी- म्याग्दीको रघुगङ्गा गाउँपालिका–१ बेगमा सोमबार जीप दुर्घटना हुँदा ४ जनाको मृत्यु भएको छ ।

बेनीदेखि बेगको सिमतर्फ जाँदै गरेको ग १ ज ७२५१ नंको जीप औँलामा दुर्घटना भएको हो ।

प्रहरी निरीक्षक वीरेन्द्रराज गुरुङका अनुसार मृत्यु हुनेमा ३० वर्षीया गौमाया विक, जीप चालक ३५ वर्षीय दुढबहादुर थापा, ३० वर्षीय खिमु पुन र ४५ वर्षीय खिमानन्द शर्मा छन् ।

उनीहरु सवै बेगका बासिन्दा हुन् ।

गौमाया रघुगङ्गा गाउँपालिका–१ बेगकी निर्वाचित वडा सदस्यसमेत हुनुहुन्छ ।

पुन र शर्माको घटनास्थलमा तथा चालक थापा र विकको उपचारका लागि बेनी ल्याउँदा बाटोमै मृत्यु भएको प्रहरीले जनाएको छ ।

दुर्घटनामा ५४ वर्षीय बलबहादुर विक, २३ वर्षीय मनोज पुन, २० वर्षीय भीम फगामी र ३० वर्षीय ज्ञानबहादुर शेरपुञ्जा घाइते भएका छन् ।

उनीहरुलाई उपचारका लागि कास्कीको पोखरास्थित मणिपाल शिक्षण अस्पताल लगिएको छ ।

जीप सडकदेखि करिब तीन सय मिटर तल खसेको थियो ।