काठमाडौं- राष्ट्रपति विद्यादेवी भण्डारी बडादशैँ २०७८ को महाष्टमीका अवसरमा बुधबार काठमाडौँस्थित विभिन्न शक्तिपीठमा दर्शन तथा पूजा अर्चना गर्नुभएको छ ।
यस क्रममा राष्ट्रपति भण्डारीले मन्दिरमा उपस्थित पूजारी र सर्वसाधारणलाई दशैँको शुभकामना दिनाका साथै उहाँहरुका सुझाव ग्रहण गर्नुभएको छ ।
महाअष्टमी पर्व विशेष रूपमा शक्ति स्वरुपा भगवतीको प्रार्थना गर्ने दिनका रूपमा लिइन्छ ।
राष्ट्रपति भण्डारीले नक्साल भगवती मन्दिरमा पुगेर देवी मन्दिरको दर्शनारम्भ गर्नुभयो ।
त्यसैगरी, राष्ट्रपति भण्डारीले मैतीदेवी, गुह्येश्वरी, कालिकास्थान, शोभा भगवतीलगायतका मन्दिरमा दर्शन गर्नुभएको थियो ।
यसअघि राष्ट्रपति भण्डारीले बुधबार बिहान काभ्रेपलाञ्चोकको पाँचखाल नगरपालिका–९ पलाञ्चोकस्थित भगवती मन्दिरमा पुगेर पूजाअर्चना गर्नुभएको थियो ।
प्रकाशित:
Wednesday, October 13, 2021 | 20:31:00 बुधबार, २७ असोज, २०७८
2025-06-30-03-54-53.gif)
