काठमाडौं- मंगलबार देशभर ७ सय ९२ जनामा कोरोना संक्रमण पुष्टि भएको छ ।
९ हजार ६ सय १९ जनाको परीक्षण गर्दा मंगलबार ७ सय ९२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
७ हजार ६० वटा नमुनाको पिसिआर र २ हजार ५ सय ५९ वटा नमुनाको एन्टिजेन विधिबाट मंगलबार परीक्षण गरिएको हो ।
त्यस्तै, मंगलबार ९ सय १० जना संक्रमणमुक्त भएका छन् ।
कोरोना संक्रमणबाट मंगलबार देशभर १४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार कोरोना संक्रमणबाट निको भएको दर ९६ दशमलव ८ प्रतिशत पुगेको छ ।
योसँगै कोरोना संक्रमणबाट मृत्यु हुनेको संख्या ११ हजार २ सय ५७ पुगेको छ ।
देशभर ४ सय ८ जना कोरोनाका गम्भीर बिरामी मध्ये ३ सय ६ जनाको आईसियू र १ सय २ जनाकोे भेन्टिलेटरमा उपचार भैरहेको छ ।
त्यसबाहेक देशभरका होम आइसोलेसनमा १३ हजार ४ सय ५९ र संस्थागत आइसोलेसनमा १ हजार ९५ जना सक्रिय संक्रमितले उपचार गराइरहेको मन्त्रालयले जनाएको छ ।
त्यस्तै, २ सय ३१ जना क्वारेन्टाइनमा छन् ।
त्यस्तै, आइतबार देशभर ६९ हजार ८ सय २४ जनाले कोरोना विरुद्धको खोप लगाएका छन् ।
प्रकाशित:
Tuesday, October 12, 2021 | 18:12:00 मंगलबार, २६ असोज, २०७८
2025-06-30-03-54-53.gif)
